00:00:00 IGIHE NETWORK KN KINYARWANDA EN ENGLISH FR FRANCAIS

Covid-19: Abagera ku 2000 banduye, 12 barapfa

Yanditswe na IGIHE
Kuya 18 Nyakanga 2021 saa 01:01
Yasuwe :
0 0

Minisiteri y’Ubuzima yatangaje ko abantu 1.997 banduye Coronavirus kuri uyu wa Gatandatu mu gihe 12 barimo abagore batandatu, umwe muri bo w’imyaka 28 bahitanywe n’iki cyorezo.

Kuri uyu wa Gatandatu ibikorwa byo gupima byakozwe mu buryo budasanzwe, aho byakorewe kuri buri kagari nibura hapimwa 15% by’abagatuye. Hafashwe ibipimo 50.880 byagaragayemo abantu 1.997 banduye.

Uturere tune gusa mu gihugu aritwo Nyanza, Karongi, Rwamagana na Rutsiro nitwo tutigeze tubonekamo ubwandu mu gihe nk’Umujyi wa Kigali wo wabonetsemo abantu 1.391 banduye.

Itangazo rya Minisante ryihanganishije imiryango yabuze ababo biganjemo abo muri Kigali, rigira riti " Twihanganishije imiryango y’abagore batandatu b’imyaka 81 (Bugesera), 66, 35, 28 (Kigali), 63 (Karongi) na 57 (Rulindo) n’abagabo batandatu b’imyaka 83 (Rutsiro), 81 (Karongi) 76, 72, 72 (Kigali) & 65 (Karongi) bitabye Imana".

Ubwandu bwabonetse mu gihugu bwatumye abamaze kwandura bagera ku 54.549 mu gihe abamaze gupfa bo ari 638. Kuri uyu munsi abakize ni 976, umubare watumye muri rusange bagera ku 38.186.

Usibye abakize n’abapfuye, abarembye nabo bakomeje kwiyongera aho ubu ari 76.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .