COVID-19: Abagabo bane bapfuye, mu gihe 22 bo barembye cyane

Yanditswe na IGIHE
Kuya 6 Gashyantare 2021 saa 09:40
Yasuwe :
0 0

Minisiteri y’Ubuzima yatangaje ko abagabo bane bahitanywe na Covid-19 kuri uyu wa Gatandatu tariki ya 06 Gashyantare 2021, mu gihe abarembye ari 22 naho abanduye bo ari 151.

Abapfuye ni bane barimo umwe w’imyaka 79, 61, 56 na 51, bose ni ab’i Kigali. Abamaze gupfa bose muri rusange kuva iki cyorezo cyagera mu Rwanda ni 217 mu gihe abamaze kwandura ubariyemo na 151 banduye kuri uyu munsi ni 16.337.

Usibye abapfuye n’abanduye, abakize ni 430 aho muri rusange abamaze gukira ari 12.047 naho abakirwaye ni 4.073. Ibipimo bimaze gufatwa kuva iki cyorezo cyagera mu Rwanda ni 913.108.

Abanyarwanda barasabwa kutirara ngo bumve ko icyorezo cyarangiye. Bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi, ndetse by’umwihariko uwiyumvamo ibimenyetso by’iki cyorezo birimo inkorora, guhumeka nabi, gucika intege n’ibindi, agahamagara umurongo utishyurwa wa 114 kugira ngo ahabwe ubufasha n’abaganga.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .