00:00:00 IGIHE NETWORK KN KINYARWANDA EN ENGLISH FR FRANCAIS

Babiri bishwe na Coronavirus mu Rwanda, 88 barayandura

Yanditswe na IGIHE
Kuya 13 Gicurasi 2021 saa 11:56
Yasuwe :
0 0

Minisiteri y’Ubuzima yatangaje ko abantu babiri bishwe na Coronavirus kuri uyu wa Kane, abayanduye ni 88 mu gihe 75 bayikize mu masaha 24 yashize.

Imibare ya Minisante yerekanye ko kuri uyu munsi babiri bitabye Imana barimo umugore w’imyaka 69 w’i Kigali n’umugabo w’imyaka 48 w’i Nyamagabe.

Abarwayi bashya 88 babonetse mu bipimo 3.698 byafashwe bituma umubare w’abamaze kwandura mu Rwanda uba 25.934 mu bipimo 1.358.566 bimaze gufatwa kuva muri Werurwe 2020.

Abarwayi bakize biyongereyeho 75, abamaze gukira bagera kuri 24.486 mu gihe abakirwaye ari 1.106, barimo umwe urembye. Umubare w’abamaze kwitaba Imana ni 342.

Kugeza kuri uyu wa 13 Gicurasi 2021 mu Rwanda hamaze gukingirwa abantu 350.400 kuva ibi bikorwa byatangira ku wa 5 Werurwe 2021.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .