00:00:00 IGIHE NETWORK KN KINYARWANDA EN ENGLISH FR FRANCAIS

Abishwe na Covid-19 mu Rwanda bamaze kurenga 1000

Yanditswe na IGIHE
Kuya 20 Kanama 2021 saa 11:35
Yasuwe :
0 0

Raporo ngarukamunsi ya Minisiteri y’Ubuzima mu Rwanda [Minisante] igaragaza uko icyorezo cya Covid-19 gihagaze mu buryo bw’imibare, yerekana ko kugeza kuri uyu wa Gatanu, abantu 1005 aribo bamaze guhitanwa n’iki cyorezo barimo icyenda bapfuye mu masaha 24 ashize.

Itangazo rya Minisante ryo kuri uyu wa 20 Kanama 2021, rivuga ko abitabye Imana bazize iki cyorezo ari abagore batatu n’abagabo batandatu.

Kuri uyu wa Gatanu kandi hafashwe ibipimo 12.772, habonekamo abantu 380 banduye Covid-19, bituma kuva iki cyorezo cyagera mu Rwanda abamaze kucyandura bose hamwe bagera kuri 82.215.

Ibikorwa byo gutanga inkingo za Covid-19, nabyo birakomeje aho kuri uyu wa Gatanu hakingiwe abantu 10.348 bahawe dose ya mbere y’urukingo.

Muri rusange abamaze guhabwa dose ya mbere y’urukingo ni 980.082 mu gihe abamaze guhabwa dose ebyiri ziteganywa n’inzego zishinzwe ubuzima ari 419.715.

Minisiteri y’Ubuzima ikomeje gusaba Abanyarwanda bari mu byiciro biteganyijwe guhabwa inkingo kwitabira ibikorwa byo gukingirwa.

Abaturarwanda bakomeje gusabwa kubahiriza amabwiriza yashyizweho n’inzego zishinzwe ubuzima arimo kwirinda gukora ingendo zitari ngombwa, aho bavuye mu ngo zabo bakibuka kwambara neza agapfukamunwa, gukaraba intoki kenshi n’amazi n’isabune ndetse no guhana intera.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .