00:00:00 IGIHE NETWORK KN KINYARWANDA EN ENGLISH FR FRANCAIS

Abaturarwanda 84.740 bahawe dose ya mbere y’urukingo rwa Covid-19 mu munsi umwe

Yanditswe na IGIHE
Kuya 25 Kanama 2021 saa 11:41
Yasuwe :
0 0

Minisiteri y’Ubuzima yatangaje ko muri gahunda yo gukingira Abanyarwanda bose bafite kuva ku myaka 18 kuzamura, uyu munsi abagera kuri 84.740 aribo bahawe dose ya mbere y’urukingo rwa Covid-19.

Gahunda yo gukingira ku bwinshi abaturarwanda bafite hejuru y’imyaka 18 yatangiye ku wa 23 Kanama 2021, itangiriye mu Mujyi wa Kigali, inzego zishinzwe ubuzima zikaba zitangaza ko izakomereza no hirya no hino mu gihugu.

Imibare y’abamaze guhabwa dose ya mbere y’urukingo yahise igera kuri 1.242.465 mu gihe abamaze guhabwa dose ebyiri ari 481.097.

U Rwanda rukomeje gushyira imbaraga nyinshi mu bikorwa byo gukingira Covid-19 ku buryo nibura uyu mwaka uzarangira hakingiwe 30% by’Abaturarwanda. Ni mu gihe umwaka utaha byitezwe ko hazaba hakingiwe nibura 60%.

Raporo ngarukamunsi ya Minisiteri y’Ubuzima kuri uyu wa 25 Kanama 2021, yagaragaje ko abantu 504 aribo banduye Covid-19 mu masaha 24 ashize mu gihe abo yahitanye ari 10.

Kuri uyu wa Gatatu kandi hafashwe ibipimo 12.845. Kuva iki cyorezo cyagera mu Rwanda hamaze gufatwa ibipimo 2.345.668, birimo ibigera kuri 84.829 byafashwe mu minsi irindwi ishize.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .