00:00:00 IGIHE NETWORK KN KINYARWANDA EN ENGLISH FR FRANCAIS

Abarenga ibihumbi 200 bamaze guhabwa dose ya kabiri y’urukingo rwa COVID-19

Yanditswe na IGIHE
Kuya 5 Kamena 2021 saa 11:09
Yasuwe :
0 0

Minisiteri y’Ubuzima yatangaje ko kugeza kuri uyu wa Gatandatu tariki ua 05 Gicurasi 2021, abantu 227.856 bamaze guhabwa dose ya kabiri y’urukingo rwa COVID-19 barimo 4.464 bayihawe none.

Abari gukingirwa muri iki gihe ni abari barahawe urukingo rwa AstraZeneca kuri dose ya mbere. Ni mu gihe abari barahawe urukingo rwa Pfizer kuri dose ya mbere bo banahawe n’urwa kabiri, bivuze ko bakingiwe mu buryo bwuzuye.

Usibye inkingo zatanzwe mu kurwanya iki cyorezo, mu bipimo 4.425 byafashwe mu gihugu hose, abantu 49 nibo bagaragaweho ubwandu.

Bitandukanye n’iminsi ishize, umubare munini w’ubwandu kuri iyi nshuro wagaragaye mu Mujyi wa Kigali ahabonetse 24 banduye mu gihe Rubavu ho babaye barindwi naho Ngororero yo igira batanu. Utwo nitwo duce dutatu twagaragayemo ubwandu bwinshi.

Nta muntu wigeze ahitanwa n’iki cyorezo kuri uyu munsi nubwo hari abantu icumi barembye cyane.

Kugeza ubu, abantu bamaze kwandura iki cyorezo mu gihugu hose ni 27.221 mu gihe abakize ari 26.171 barimo na 42 bakize kuri uyu wa Gatandatu.

Abakirwaye ni 681 mu gihe abamze gupfa ari 359.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .