00:00:00 IGIHE NETWORK KN KINYARWANDA EN ENGLISH FR FRANCAIS

Abantu icyenda bishwe na Coronavirus mu Rwanda, abayanduye ni 577

Yanditswe na IGIHE
Kuya 11 Nyakanga 2021 saa 11:35
Yasuwe :
0 0

Minisiteri y’Ubuzima yatangaje ko abantu icyenda bahitanywe na Coronavirus bituma umubare w’abamaze kwicwa n’iki cyorezo mu Rwanda ugera kuri 560 mu gihe abanduye ari 577.

Abishwe na Coronavirus kuri uyu wa 11 Nyakanga 2021 ni abagore batandatu b’imyaka 73, 65, 50, 40 (Kigali), 71 (Musanze) & 27 (Karongi) n’abagabo batatu b’imyaka 68 (Kigali), 53 (Kamonyi) n’uwa 38 w’i Karongi.

Abarwayi bashya 577 babonetse mu bipimo 7.456 byafashwe mu masaha 24 yashize bituma umubare w’abamaze kwandura mu Rwanda uba 48.244 mu bipimo 1.723.762 bimaze gufatwa kuva muri Werurwe 2020.

Minisante yagaragaje ko ubwandu bwinshi bwiganje muri Kigali ahabonetse abanduye 186, Musanze [59], Muhanga [41], Rubavu [40], Kamonyi [30] mu gihe mu Turere twa Ruhango, Bugesera, Gatsibo na Nyamasheke nta barwayi bashya bahabonetse.

Mu masaha 24 yashize, abarwayi 517 ni bo bakize byatumye umubare w’abamaze gusezererwa mu bitaro no gukirira mu ngo zabo ugera ku 32.523.

Kugeza uyu munsi, abarwayi 15.161 barimo 64 barembye ni bo bakiri kwitabwaho.

Kugeza ubu mu Rwanda hamaze gukingirwa abantu 395.083 kuva ibi bikorwa byatangira ku wa 5 Werurwe 2021. Abantu 253.087 bamaze guhabwa doze ya kabiri y’urukingo rwa AstraZeneca barimo 74 bayihawe uyu munsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .