00:00:00 IGIHE NETWORK KN KINYARWANDA EN ENGLISH FR FRANCAIS

Abantu icyenda bahitanywe na Covid-19, abarenga 800 barayandura

Yanditswe na IGIHE
Kuya 5 Nyakanga 2021 saa 11:15
Yasuwe :
0 0

Abantu icyenda bahitanywe na Coronavirus bituma umubare w’abamaze kwicwa n’iki cyorezo ugera kuri 479 mu gihe abanduye ari 811.

Minisiteri y’Ubuzima yatangaje ko abahitanywe na Covid-19 mu masaha 24 yashize ari abagore bane barimo uw’imyaka 82 y’amavuko i Kigali, uw’imyaka 76 w’i Rubavu, uwa 62 i Karongi, 57 mu Ruhango n’abagabo batanu b’imyaka 79, 72, 52 na 51 b’i Kigali n’uwa 64 i Rubavu.

Abarwayi bashya 811 babonetse mu bipimo 6.766 byafashwe mu masaha 24 yashize bituma umubare w’abamaze kwandura mu Rwanda uba 43.396 mu bipimo 1.677.512 bimaze gufatwa kuva muri Werurwe 2020.

Muri Kigali ni ho habonetse abanduye benshi bangana na 338, Musanze 95, Rusizi 47, Kamonyi 38 mu gihe mu turere dutandatu nta murwayi mushya wabonetsemo. Utu ni utwa Bugesera, Gisagara, Rutsiro, Nyagatare, Rwamagana na Nyamasheke.

Mu masaha 24 yashize, hakize abarwayi 231. Muri rusange abamaze gusezererwa mu bitaro ni ku 27.837. Abakirwaye ni 15.080 barimo 62 barembye.

Kugeza ubu mu Rwanda hamaze gukingirwa abantu 391.970 kuva ibi bikorwa byatangira ku wa 5 Werurwe 2021.

Abantu 251.719 bamaze guhabwa doze ya kabiri y’urukingo rwa COVID-19 rwa AstraZeneca barimo 244 bayihawe uyu munsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .