00:00:00 IGIHE NETWORK KN KINYARWANDA EN ENGLISH FR FRANCAIS

Abantu icyenda bahitanywe na Coronavirus mu Rwanda

Yanditswe na Dufitumukiza Salathiel
Kuya 28 Kamena 2021 saa 12:14
Yasuwe :
0 0

Minisiteri y’Ubuzima yatangaje ko kuri uyu wa 27 Kamena 2021 abarwayi icyenda ba COVID-9 bitabye Imana, bituma umubare w’abo imaze guhitana mu mezi 15 imaze igaragaye mu Rwanda uba 420.

Muri raporo ngarukamunsi ya Minisante hagaragajwe ko mu masaha 24 ashize abamaze kwandura bageze ku 36.627 kubera 741 bashya babonetse, naho abakize biyongeraho 113 bagera ku 27.090.

Abarwayi bashya babonetse uyu munsi biganjemo abo muri Kigali (217), mu gihe Rulindo ari ko karere rukumbi katabonetsemo umurwayi mushya wa Coronavirus.

Hafashwe kandi ibipimo bishya 7.863 bituma umubare w’ibimaze gufatwa uba 1.614.429. Abakirwaye bo ni 9.117 barimo 26 barembye.

Ijanisha ku bahitanwa n’icyorezo ryagumye kuri 1,1%, iry’abandura rirazamuka rigera ku 9,4% naho iry’abakira riramanuka rigera ku 73,9%.

Abagera ku 391.675 ni bo bamaze gukingirwa mu Rwanda. Muri bo 248.718 bamaze guhabwa doze ya kabiri ya AstraZeneca, barimo 174 bayihawe uyu munsi.

Minisante irasaba Abaturarwanda gukomeza kwirinda icyorezo bubahiriza amabwiriza y’inzego z’ubuzima, cyane cyane birinda kwihuriza ahantu hafunganye ari benshi kuko byorohereza Coronavirus gukwirakwira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .