00:00:00 IGIHE NETWORK KN KINYARWANDA EN ENGLISH FR FRANCAIS

Abantu icumi barimo umukecuru w’imyaka 103 bishwe na Covid-19 mu Rwanda

Yanditswe na IGIHE
Kuya 16 Kanama 2021 saa 11:53
Yasuwe :
0 0

Minisiteri y’Ubuzima yatangaje ko kuri uyu wa Mbere tariki 16 Kanama 2021, abantu icumi barimo abagabo batanu n’abagore batanu bahitanywe na Covid-19.

Ni umunsi wa kabiri wikurikiranya mu Rwanda hapfa abantu icumi bishwe na Covid-19 kuko no kuri iki Cyumweru hari hapfuye icumi.

Abitabye Imana barimo umukecuru w’imyaka 103 wo muri Muhanga, abagore babiri barimo uw’imyaka 91 n’uwa 61 bo muri Rwamagana, umugore wo muri Nyamagabe w’imyaka 72, n’uw’imyaka 81 wo muri Ngororero.

Hapfuye kandi umusaza w’imyaka 86 wo muri Kigali, umugabo w’imyaka 69 w’i Rusizi, uw’imyaka 58 wo muri Karongi, uw’imyaka 52 wo muri Rulindo n’uw’imyaka 43 wo muri Ngoma.

Umubare w’abapfuye kuri uyu wa Mbere watumye abamaze guhitanwa n’icyo cyorezo baba 969.

Minisiteri y’Ubuzima yatangaje ko mu bipimo 6751 byafashwe, abantu 435 aribo bagaragaweho ubwandu bwa Covid-19.

Umujyi wa Kigali ni wo wabonetsemo abanduye bashya benshi kuko ari 45, Huye habonetse 41, Karongi 41, na Gicumbi 37.

Abantu 11 ni bo basezerewe mu bitaro, mu gihe abamaze gukingirwa ari 898.754.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .