Abantu batatu bishwe na Coronavirus mu Rwanda, abarwayi 443 bayikize

Yanditswe na Ishimwe Israel
Kuya 17 Gashyantare 2021 saa 09:32
Yasuwe :
0 0

Minisiteri y’Ubuzima yatangaje ko abantu batatu bahitanywe na Coronavirus mu gihe umubare w’abarwayi bakize wiyongereyeho 443, bituma baba 15 918.

Abitabye Imana ni abagabo batatu barimo babiri b’imyaka 57 na 38 bo mu Mujyi wa Kigali n’umwe ufite imyaka 68 wo mu Karere ka Bugesera.

Abantu batatu bishwe na COVID-19 iterwa na Coronavirus batumye umubare w’abamaze kwicwa n’iki cyorezo mu Rwanda ugera kuri 243 mu gihe abanduye bo biyongereyeho 122 bagera ku 17 716.

Mu Rwanda hamaze gufatwa ibipimo bya Coronavirus 960 001, hasanzwemo abantu 17 716 banduye. Muri bo 15 918 basezerewe mu bitaro nyuma yo gupimwa bagasangwa nta bwandu bagifite mu gihe 1555 bakiri kwitabwaho.

Kugeza ubu, abarwayi 11 ni bo barembye ndetse bari kwitabwaho byihariye.

Coronavirus ni indwara yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .