Abantu batanu bishwe na Covid-19, abarenga 300 barayandura

Yanditswe na IGIHE
Kuya 30 Mutarama 2021 saa 11:11
Yasuwe :
0 0

Minisiteri y’Ubuzima yatangaje ko abantu 334 mu Rwanda banduye Covid-19 kuri uyu wa Gatandatu tariki ya 30 Mutarama 2021 mu gihe batanu aribo bishwe nayo bituma umubare w’abamaze gupfa ugera ku 193.

Mu bapfuye, umukuru yari umugore wari ufite imyaka 104 mu gihe abandi ari abagabo barimo uwa 102, 69,66 na 60. Abanduye bo uko ari 334 babonetse mu bipimo 11.137 byafashwe.

Muri rusange, abamaze kwandura mu Rwanda ni 15.118 mu gihe abakize bo ari 9.804 barimo 285 bakize kuri uyu wa Gatandatu. Abakirwaye ni abantu 5.121.

Abarwayi babonetse kuri uyu wa Gatandatu, baturuka mu turere 20 n’Umujyi wa Kigali aho Umurwa Mukuru w’u Rwanda wabonetsemo 197 banduye. Utundi turere ni Gicumbi ifite abantu 49 banduye, Gakenke ifite 13, Nyamagabe yabonetsemo ubwandu 11, Karongi yabonetsemo abantu umunani banduye, Ruhango ni batandatu , Bugesera ni batanu , Nyanza nayo ni uko cyo kimwe na Ngoma na Kamonyi.

Utundi turere ni Muhanga na Gatsibo twombi twabonetsemo ubwandu butanu, Gisagara ni bune, Rusizi, Nyagatare, Musanze na Rubavu habonetsemo ubwandu butatu muri buri karere mu gihe Ngororero, Rulindo, Nyaruguru na Huye ari umuntu umwe wanduye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .