00:00:00 IGIHE NETWORK KN KINYARWANDA EN ENGLISH FR FRANCAIS

Abantu bane bishwe na Covid-19 mu Rwanda, 114 barayandura

Yanditswe na IGIHE
Kuya 10 Ukwakira 2021 saa 03:00
Yasuwe :
0 0

Minisiteri y’Ubuzima yatangaje ko abantu bane ari bo bishwe na Covid-19 ku wa 9 Ukwakira, bituma umubare w’abamaze guhitanwa n’iki cyorezo ugera ku 1304 naho abagaragaye ko banduye ni 114.

Abahitanwe na cyo ni abagore batatu bo mu turere twa Gicumbi, Gakenke na Kayonza n’umugabo wo mu Karere ka Nyagatare.

Kuva Covid-19 yagaragara mu Rwanda muri Weruwe umwaka ushize, hamaze gufatwa ibipimo bikabakaba miliyoni eshatu (2.925.569) by’umwihariko kuri iyi tariki hapimwe abantu 17.306 naho mu minsi irindwi hapimwe 77.267.

Akarere ka Gicumbi ni ko kaje imbere mu kugira ubwandu bwinshi n’abantu 17; Karongi ikurikiraho n’abanduye 14; Rutsiro 13 naho Umujyi wa Kigali wabonetsemo abantu 10.

Umuntu umwe mushya ni we wajyanwe mu bitaro, babiri barasezererwa mu gihe abakirimo barembye ari babiri.

Ibikorwa byo gukingira na byo bikomeje gushyirwamo imbaraga aho abaturarwanda barenga miliyoni ebyiri ( 2.192.517) bamaze guhabwa doze ya mbere barimo 53.369 bayihawe uyu munsi naho abakingiwe mu buryo bwuzuye bakaba bageze kuri 1.695.580. Uyu munsi abahawe urukingo rwa kabiri ni 1339.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .