00:00:00 IGIHE NETWORK KN KINYARWANDA EN ENGLISH FR FRANCAIS

Abantu bane bahitanywe na COVID-19 mu Rwanda, 112 barayandura

Yanditswe na IGIHE
Kuya 26 Nzeri 2021 saa 11:29
Yasuwe :
0 0

Minisiteri y’Ubuzima yatangaje ko ku Cyumweru, tariki ya 26 Nzeri 2021, abantu bane bahitanywe na COVID-19, bituma umubare w’abo imaze kwica mu Rwanda bagera kuri 1.252.

Itangazo rya Minisante ryakomeje rivuga ko abahitanywe na COVID-19 mu Rwanda ari “abagore bane” bo mu Turere twa Rusizi, Gicumbi, Nyagatare na Nyamagabe.

Mu masaha 24 yashize habonetse abanduye bashya 112, bangana n’ijanisha rya 0.8%, mu bipimo 14.529.

Kuri uyu munsi, umuntu umwe ni we washyizwe mu bitaro mu gihe batanu aribo basezerewe nyuma yo gukira COVID-19. Kugeza uyu munsi, abagera kuri 11 ni bo bari kwitabwaho by’umwihariko kuko barembye.

Kuva ku wa 14 Werurwe 2020 ubwo umurwayi wa mbere wa COVID-19 yabonekaga mu Rwanda, hamaze gufatwa ibipimo 2.767.514; mu minsi irindwi ishize gusa abarwayi 1.582 ni bo bakuwe mu bipimo 82. 705.

Kuva ku wa 5 Werurwe 2021 ubwo hatangiraga ibikorwa byo gukingira mu buryo bwa rusange, abaturage 1.640.974 bamaze gukingirwa mu buryo bwuzuye nyuma yo guhabwa dose ebyiri, aba barimo 1.836 bayifashe uyu munsi. Ku rundi ruhande, none abantu 2.117 bafashe dose ya mbere bituma umubare wose w’abamaze kuyihabwa uba 2.099.305.

Abaturarwanda basabwa gukomeza kubahiriza amabwiriza yo kwirinda COVID-19 harimo gusiga intera hagati y’umuntu n’undi, kwambara agapfukamunwa neza no gukaraba intoki.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .