Abantu 87 banduye Coronavirus, 97 barayikira

Yanditswe na Ishimwe Israel
Kuya 3 Werurwe 2021 saa 10:45
Yasuwe :
0 0

Minisiteri y’Ubuzima yatangaje ko kuri uyu wa Gatatu, tariki 3 Werurwe 2021, abantu 87 banduye Coronavirus mu bipimo 3960 byafashwe mu masaha 24 ashize.

Itangazo rya Minisante ryerekana ko umubare w’abamaze kwandura Coronavirus ari 19 198, mu bipimo 1 020 989 bimaze gufatwa guhera muri Werurwe 2020 ubwo umurwayi wa mbere yabonekaga mu Rwanda.

Abarwayi 97 ni bo bakize mu masaha 24 ashize, bituma umubare w’abamaze gusezererwa mu bitaro no mu ngo nyuma yo gukira virus ugera ku 17 569. Abakirwaye ni 1364, barimo abarembye icyenda.

Nta muntu n’umwe wapfuye kuri uyu munsi ndetse byatumye umubare w’abamaze guhitanwa na Coronavirus uguma kuri 265.

Kugeza uyu munsi abandura bari ku kigero cya 2.2%, mu gihe abakira bageze kuri 91.5% naho abahitanwa na Coronavirus ni 1.4%.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .