00:00:00 IGIHE NETWORK KN KINYARWANDA EN ENGLISH FR FRANCAIS

Abantu 619 banduye Covid-19, abo yahitanye biyongeraho icyenda

Yanditswe na Akayezu Jean de Dieu
Kuya 11 Kanama 2021 saa 11:49
Yasuwe :
0 0

Minisiteri y’Ubuzima mu Rwanda [Minisante] yatangaje ko mu masaha 24 ashize abantu 619 banduye icyorezo cya Covid-19 mu gihe abo cyahitanye biyongereyeho icyenda bituma abo kimaze kwica bagera kuri 920.

Itangazo rya Minisante ryo kuri uyu wa 11 Kanama 2021, rikomeza rivuga ko mu bitabye Imana harimo abagore umunani n’umugabo umwe.

Uyu munsi kandi hafashwe ibipimo 11.270, bituma abamaze gupimwa bose bagera ku 2.188.881, naho abamaze kwandura Covid-19 mu minsi irindwi ishize ni 4.254.

Kuri uyu wa Gatatu kandi abantu 48.660 bahawe dose ya mbere y’urukingo rwa Covid-19. Mu gihe kuva ibikorwa byo gukingira byatangira kuri ubu hamaze gukingirwa 729.130.

Minisiteri y’Ubuzima ikomeje gusaba Abaturarwanda bose gukomeza kubahiriza amabwiriza y’inzego z’ubuzima arimo kwambara neza agapfukamunwa, guhana intera, gukaraba intoki n’amazi meza n’isabune kandi kenshi ndetse no kwirinda kuba ahantu hafungiranye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .