00:00:00 IGIHE NETWORK KN KINYARWANDA EN ENGLISH FR FRANCAIS

Abantu 16 bishwe na Covid-19, abayanduye biyongeraho 496

Yanditswe na Mukahirwa Diane
Kuya 19 Kanama 2021 saa 11:29
Yasuwe :
0 0

Minisiteri y’Ubuzima mu Rwanda [Minisante] yatangaje ko abantu 16 aribo bishwe na Covid-19 mu masaha 24 yashize bituma umubare w’abo imaze guhitana kuva iki cyorezo cyagera mu Rwanda ugera kuri 996.

Itangazo rya Minisante rivuga ko iyi minisiteri yihanganishije "imiryango y’abagore umunani n’abagabo umunani bitabye Imana.”

Kuri uyu wa 19 Kanama 2021, hafashwe ibipimo 11.534 byagaragayemo abanduye bashya 496.

Ibikorwa byo gutanga inkingo za Covid-19, nabyo birakomeje aho kuri uyu wa Kane hakingiwe abantu 8.171 bahawe dose ya mbere y’urukingo.

Muri rusange abamaze guhabwa dose ya mbere y’urukingo ni 969.734 mu gihe abamaze guhabwa dose ebyiri ziteganywa n’inzego zishinzwe ubuzima ari 410.218.

Minisiteri y’Ubuzima igaragaza ko abantu 22 aribo bajyanywe mu bitaro [kubera ko bari barembye] mu gihe abasezerewe mu bitaro ari umunani. Abarembye bose hamwe ni 42.

Abaturarwanda bakomeje gusabwa kubahiriza amabwiriza yashyizweho n’inzego zishinzwe ubuzima arimo kwirinda gukora ingendo zitari ngombwa, aho bavuye mu ngo zabo bakibuka kwambara neza agapfukamunwa, gukaraba intoki kenshi n’amazi n’isabune ndetse no guhana intera.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .