00:00:00 IGIHE NETWORK KN KINYARWANDA EN ENGLISH FR FRANCAIS

Abantu 15 bishwe na COVID-19 mu Rwanda, abayanduye ni 618

Yanditswe na IGIHE
Kuya 26 Nyakanga 2021 saa 01:22
Yasuwe :
0 0

Raporo ngarukamunsi ya Minisiteri y’Ubuzima yerekana uko COVID-19 ihagaze mu Rwanda yagaragaje ko abantu 15 bahitanywe na yo mu gihe abayanduye ari 618.

Imibare ya Minisante yo kuri iki Cyumweru, tariki ya 25 Nyakanga 2021, yerekana ko abitabye Imana bahitanywe na COVID-19 ari abagabo barindwi n’abagore umunani.

Minisiteri y’Ubuzima yakomeje iti “Twihanganishije imiryango y’abagore 8 b’imyaka 89 (Nyagatare), 77 (Gatsibo), 74 (Burera), 64 (Rusizi), 64 (Muhanga), 50 (Musanze) & 36, 24 (Kigali) n’abagabo 7 b’imyaka 78, 74, 57, 41, 38 (Kigali), 59 (Nyagatare) & 37 (Karongi) bitabye Imana.’’

Mu masaha 24 yashize mu Rwanda hafashwe ibipimo 11.339 byasanzwemo abarwayi bashya 618 [ni ukuvuga ubwandu bungana n’ijanisha rya 5.4%].

Abarwayi 14 ni bo basezerewe mu bitaro mu gihe 10 ari bo babyinjijwemo. Bivuze ko aha hatabariwemo abarwariye mu ngo zabo, aho bakurikiranirwa.

Minisiteri y’Ubuzima yerekanye ko abarembye ubu ari 66, mu gihe mu minsi irindwi ishize abarwayi 93 bitabye Imana bazize COVID-19.

Kuva u Rwanda rutangiye ibikorwa byo gukingira mu buryo bwa rusange ku wa 5 Werurwe 2021, rumaze gutanga inkingo ku baturage 426.558 bakingiwe byuzuye mu gihe 1.171 ari bob amaze guhabwa doze ya mbere.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .