00:00:00 IGIHE NETWORK KN KINYARWANDA EN ENGLISH FR FRANCAIS

Abantu 15 bishwe na Coronavirus mu Rwanda, 791 barayandura

Yanditswe na IGIHE
Kuya 27 Nyakanga 2021 saa 12:34
Yasuwe :
0 0

Minisiteri y’Ubuzima yatangaje ko abantu 15 bahitanywe na Coronavirus bituma umubare w’abamaze kwicwa n’iki cyorezo ugera kuri 757 mu gihe abanduye mu masaha 24 ari 791.

Abantu bishwe na Coronavirus kuri uyu wa Mbere, tariki ya 26 Nyakanga 2021, ni “abagore batatu n’abagabo 12.’’

Minisante yatangaje ko mu bitabye Imana harimo umwana w’iminsi ibiri wo mu Karere ka Kayonza.

Abarwayi bashya 791 babonetse mu bipimo 6930 byafashwe uyu munsi; mu minsi irindwi ishize abantu 7.095 ni bo banduye mu gihe kuva muri Werurwe 2020 mu Rwanda hamaze gufatwa ibipimo 2.026.511.

Mu masaha 24 yashize, abarwayi 15 ni bo basezerewe mu bitaro mu gihe umunani ari bo babyinjiyemo. Kugeza uyu munsi, abarwayi 61 ni bo barembye bakiri kwitabwaho n’abaganga.

Kugeza ubu mu Rwanda hamaze gukingirwa mu buryo bwuzuye abantu 428.983 kuva ibi bikorwa byatangira ku wa 5 Werurwe 2021. Abantu 2425 ni bo bahawe dose ya mbere uyu munsi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .