00:00:00 IGIHE NETWORK KN KINYARWANDA EN ENGLISH FR FRANCAIS

Abantu 1211 bakize Coronavirus, abishwe nayo ni 16

Yanditswe na Akayezu Jean de Dieu
Kuya 13 Nyakanga 2021 saa 11:25
Yasuwe :
0 0

Minisiteri y’Ubuzima mu Rwanda [Minisante] yatangaje ko mu masaha 24 ashize abantu 1211 bakize Covid-19, bituma umubare w’abamaze gukira iki cyorezo ugera ku 34.567.

Imibare ya Minisante yo kuri uyu wa 13 Nyakanga 2021, igaragaza ko abanduye bashya ari 792, batumye umubare w’abamaze kwandura iki cyorezo kuva cyagera mu Rwanda uba 49.808.

Mu masaha 24 ashize abahitanywe na Covid-19, ni 16 barimo abagore barindwi b’imyaka 77, 75, 61, 58 ufite imyaka 72 wo mu Mujyi wa Kigali, ufite imyaka 62 w’i Muhanga, ufite imyaka 42 w’i Rusizi n’umusaza w’i Muhanga ufite imyaka 95.

Harim0 kandi abagabo b’imyaka 81, 74, 64, 55, 38 bo mu Mujyi wa Kigali, ab’imyaka 78 na 74 b’i Musanze ndetse n’uw’imyaka 58 wo mu Karere ka Rusizi.

Abanduye bashya mu masaha 24 ashize biganje mu Mujyi wa Kigali urimo 306, Akarere ka Kamonyi 56 na Gakenke 55.

Kuva icyorezo cya Covid-19, cyagera mu Rwanda muri Werurwe 2020, hamaze gufatwa ibipimo 1.738.874, byasanzwemo abanduye 49.808.

Ni mu gihe abamaze gukira ari 34.567 naho abakirwaye ari 14.643 barimo abarembye 73. Abamaze kwicwa na Covid-19 mu Rwanda bamaze kuba 598.
Minisiteri y’Ubuzima igaragaza ko ubwandu bushya kuri ubu bugeze ku kigero cya 9.4%. Kugeza ubu abantu bamaze guhabwa inkingo ni 398.056.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera, gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze.

Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .