00:00:00 IGIHE NETWORK KN KINYARWANDA EN ENGLISH FR FRANCAIS

Abantu 11 bishwe na Coronavirus mu Rwanda, abakize ni 905

Yanditswe na IGIHE
Kuya 21 Nyakanga 2021 saa 12:32
Yasuwe :
0 0

Minisiteri y’Ubuzima yatangaje ko abantu 11 bahitanywe na Coronavirus kuri uyu wa 20 Nyakanga 2021, mu gihe abarwayi 905 bayikize mu masaha 24 yashize.

Itangazo rya Minisante ryerekanye ko abishwe na Coronavirus kuri uyu munsi babonetse mu duce dutandukanye; iyi minisiteri yanafashe mu mugongo imiryango yabo.

Ryakomeje riti “Twihanganishije imiryango y’abagore babiri b’imyaka 83 (Huye) & 61 (Kigali) n’abagabo icyenda b’imyaka 83 (Nyanza), 80, 61, 44, 42 (Kigali), 75 (Bugesera), 69 (Rusizi), 65 (Muhanga) & 52 (Gicumbi) bitabye Imana.’’

Kuri uyu wa Kabiri kandi abantu 906 basanganywe Coronavirus mu bipimo 10.863 byafashwe.

Umujyi wa Kigali ni wo wabonetsemo ubwandu bwinshi ahabonetse abarwayi 182, Musanze ni 84, Kamonyi ni 78, Burera ni 71 mu gihe Uturere twa Rulindo, Nyaruguru, Ruhango, Nyamasheke na Rutsiro nta murwayi wahabonetse.

Kugeza ubu abarwayi bashya babonetse batumye umubare w’abamaze kwandura mu Rwanda uba 59.141 mu bipimo 1.906.789 bimaze gufatwa kuva muri Werurwe 2020.

Abarwayi bakize biyongereyeho 905, abamaze gukira bagera ku 41.951 mu gihe abakirwaye ari 16.513, barimo 69 barembye.

Ibikorwa byo gukingira Coronavirus mu Rwanda byatangiye ku wa 5 Werurwe 2021, ndetse kugeza ubu hakingiwe 406.004 bahawe inkingo zirimo iza AstraZeneca na Pfizer-BioNTech.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .