00:00:00 IGIHE NETWORK KN KINYARWANDA EN ENGLISH FR FRANCAIS

Abantu 10 bishwe na Coronavirus mu Rwanda, 754 barayandura

Yanditswe na IGIHE
Kuya 5 Kanama 2021 saa 11:43
Yasuwe :
0 0

Minisiteri y’Ubuzima yatangaje ko abantu 10 bahitanywe na Coronavirus mu Rwanda bituma umubare w’abamaze kwicwa n’iki cyorezo ugera kuri 860 mu gihe abanduye ari 754.

Minisante yatangaje ko abishwe na Coronavirus kuri uyu wa Kane, tariki ya 5 Kanama 2021, ari abagore bane n’abagabo batandatu.

Abarwayi bashya 754 babonetse mu bipimo 14.393 byafashwe mu masaha 24 yashize. Umujyi wa Kigali ni wo wabonetsemo abanduye benshi, bagera kuri 70.

Itangazo rya Minisiteri y’Ubuzima rivuga ko mu Karere ka Bugesera habonetsemo abanduye 60, Nyamagabe ni 54, Ngororero na Gicumbi ni 53 mu gihe Uturere twa Rulindo, Kirehe na Ngoma nta murwayi wahabonetse mu bipimo byahafatiwe.

Kuri uyu munsi kandi abarwayi basezerewe mu bitaro ni 12, abagera kuri 20 ni bo babyinjijwemo mu gihe umubare w’abarembye wageze kuri 37.

Kugeza ubu mu Rwanda hamaze gukingirwa abantu 564.951 kuva ibi bikorwa byatangira ku wa 5 Werurwe 2021. Abantu 44.584 ni bo bahawe dose ya mbere y’urukingo uyu munsi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .