00:00:00 IGIHE NETWORK KN KINYARWANDA EN ENGLISH FR FRANCAIS

Abanduye Covid-19 mu Rwanda bageze ku bihumbi 25, abasaga ibihumbi 16 banduye mu mezi ane

Yanditswe na Ferdinand Maniraguha
Kuya 30 Mata 2021 saa 11:37
Yasuwe :
0 0

Imibare yatangajwe na Minisiteri y’Ubuzima kuri uyu wa Gatanu igaragaza ko abamaze kwandura Covid-19 bageze ku 25 116, bivuze ko biyongereyeho ibihumbi bisaga 16 mu mezi ane ashize.

Kuri uyu wa Gatanu tariki 30 Mata handuye abantu 121. Ni imibare ikomeje gutera inkeke kuko bigaragaza ko mu mezi ane mu Rwanda ubwandu bw’iki cyorezo bwiyongereye cyane ugereranyije n’umwaka ushize.

Tariki ya 1 Mutarama 2021, abari bamaze kwandura iki cyorezo bari 8460, mu gihe abo cyari kimaze guhitana bari 94. Ushingiye ku mibarre ihari kugeza kuri uyu wa Gatanu, bivuze ko mu mezi ane ashize handuye abantu bashya 16656, ni ukuvuga ubwikube kabiri bw’abari bamaze kwandura mu mezi icyenda ya 2020.

Mu mezi ane ashize kandi, Covid-19 mu Rwanda yahitanye abantu 241 kuko imibare yo kuri uyu wa Gatanu igaragaza ko hamaze gupfa abantu 335 mu gihe tariki ya 1 Mutarama 2021 hari hamaze gupfa 94.

Kuri uyu wa Gatanu honyine, hapfuye abagabo babiri barimo uw’imyaka 83 w’i Huye n’uw’imyaka 60 w’i Kigali.

Abamaze gukira ni 23 234 barimo 28 bakize kuri uyu wa Gatanu. Ni mu gihe abakirwaye ari 1547 naho abarembye ni batatu.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .