00:00:00 IGIHE NETWORK KN KINYARWANDA EN ENGLISH FR FRANCAIS

Abageze mu zabukuru bagiye gukingirwa Covid-19 basanzwe mu ngo

Yanditswe na Akayezu Jean de Dieu
Kuya 11 Kanama 2021 saa 08:54
Yasuwe :
0 0

Minisiteri y’Ubuzima mu Rwanda yatangije gahunda yo gukingira abantu basanzwe mu ngo zabo, hibandwa cyane ku barengeje imyaka 60 y’amavuko mu Mujyi wa Kigali.

Guverinoma ikomeje gukingira Abanyarwanda ihereye ku bafite ibyago byo kwandura kurusha abandi barimo abakora mu nzego z’ubuzima, abarwaye indwara zidakira, abakora imirimo ibahuza n’abantu benshi, abageze mu zabukuru n’abandi.

Ni muri urwo rwego Ikigo cy’Igihugu gishinzwe Ubuzima, RBC, cyavuze ko abafite hejuru y’imyaka 60 bo muri Kigali bemerewe guhamagara umurongo utishyurwa wa 3260, inzego z’ubuzima zikajya kubakingira zibasanze mu ngo zabo.

Itangazo rya RBC ryo ku wa 10 Kanama 2021, rigira riti “Turamire ubuzima bw’abasheshe akanguhe. Muri Kigali, niba uzi umuntu ufite imyaka 60 no hejuru yayo, akaba atarakingirwa Covid-19, hamagara nomero 3260 abaganga bamugereho bamukingire.”

Biteganyijwe ko iyi gahunda izakomeza nyuma y’Umujyi wa Kigali ikagenda igezwa no mu bindi bice by’izindi ntara.

Imibare ya Minisiteri y’Ubuzima yo ku wa 10 Kanama, igaragaza ko abantu 30.535 aribo bakingiwe mu masaha 24 yo kuri uwo munsi mu gihe 680.470 bamaze guhabwa urukingo mu gihugu hose.

Abageze mu zabukuru bagiye kujya bakingirwa inzego z'ubuzima zibasanze mu ngo zabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .