Kwamamaza

Ubushakatsi bwagaragaje ko abagore bayingayinga abagabo mu kunywa agasembuye

Yanditswe kuya 26-10-2016 saa 17:50' na Umutoni Rosine


Abagore ngo bageze ku rwego rumwe n’abagabo mu kunywa inzoga ku rwego rw’Isi, mu gihe mu myaka myinshi ishize abagabo ari bo bari imbere cyane ndetse ari nako bagerwaho n’ingaruka zizikomokaho.

Ubushakashatsi bwakorewe ku bantu bagera kuri miliyoni enye, bavutse hagati y’umwaka wa 1891 na 2001, bwagaragaje ko abagabo banywaga inzoga cyane kurusha abagore, bwanagaragaje kandi ko ari nabo bakunze kugerwaho n’ingaruka zo kunywa inzoga ugereranyije n’abagore.

Inkuru dukesha BBC ivuga ko ubwo bushakashatsi bugaragaza ko abantu bavutse mu myaka 1900, abagabo banywaga inzoga bari bakubye kabiri abagore kandi ko abagaragazaga ibibazo biturutse ku kunywa cyane bari bakubye gatatu abagore, mu gihe abagerwagaho n’ingaruka z’inzoga zirimo n’uburwayi bw’umwijima bari inshuro 3.6 ugereranyije n’abagore.

Ubushakashatsi bwakozwe na BMJ ( British Medical Journal) bugaragaza ko ikinyuranyo cyo kunywa inzoga hagati y’abagore n’abagabo cyagabanutse cyane ugereranyije no mu myaka 15 ishize, ku buryo abagabo n’abagore bashaka kunganya urugero rwo kunywa n’ibibazo bituruka ku nzoga.

Kuva icyo gihe ngo abagore banywa inzoga biyongereyeho 1.1, mu gihe 1.3 byabo bahura n’ibibazo by’ubuzima biterwa no kunywa inzoga.

Itsinda ry’abashakashatsi bo muri Kaminuza ya South Wales muri Australia, ryifashishije imibare yavuye mu bantu bo hirya no hino ku Isi, biganjemo abaturuka muri Amerika y’Amajyaruguru no ku mugabane w’u Burayi, bagaragaje ko uko gukora inzoga byiyongera ndetse n’uburyo zamamazwa, akenshi ngo bikurura abagore cyane abakobwa bakiri bato.

Bavuga ko abahanga mu bijyanye n’ubuzima bw’abantu bakwiye gushyira imbaraga mu gusobanurira abagabo n’abagore ingaruka zo kunywa inzoga n’uburyo bwo kuzirinda.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Saturday 10 Ukuboza 2016
Copyright © 2009 -2014 - IGIHE Ltd - All Rights Reserved