Ubushakashatsi bwagaragaje ingaruka zirimo agahinda gakabije ku bangavu bakoresha ibinini byo kuboneza urubyaro

Yanditswe na Twarabanye Venuste
Kuya 31 Ukwakira 2019 saa 08:06
Yasuwe :
0 0

Abangavu bakoresha ibinini byo kuboneza urubyaro bakunda kurira, gusinzira cyane ndetse bakagira ibibazo mu kurya kurusha bagenzi babo badakoresha ibinini.

Ni ubushakashatsi bwashyizwe ahagaragara n’Ikinyamakuru cy’ubuzima cyitwa ’Jama Psychiatry’.

Ubwo bushakashatsi bwerekana ko abangavu bakoresha ibyo binini baba bafite ibyago byo kugira agahinda gakabije n’ukwigunga mu bukure bwabo nubwo batakomeza kubifata bakuze.

Abacukumbuzi bo mu bitaro by’abagore byitwa ‘Brigham and Women’s Hospital’ bishamikiye ku ishuri ry’ubuzima rya Havard, ibitaro byitwa ‘Medical Center Groningen’ n’ibyitwa ‘Leiden University Medical Center’ basanze hari ibindi bimenyetso byo gusuzuma bishamikiye kuri ako gahinda.

Ibyo birimo kwiyongera kurira, gusinzira cyane, kumva ntacyo uri cyo [kumva ko nta kamaro] no kugira ibitekerezo byo kwiyahura.

Muri iyi nyigo abashakashatsi barebye abakobwa n’abagore 1,010 mu gihe kirenga umwaka bakoresheje ibyavuye mu bushakasgatsi bwo mu Buholandi bwitwa TRAILS, bukurikirana ubuzima bw’ingimbi n’abangavu. Barebye abakoresheje ibinini byo kuboneza urubyaro ku myaka 16, 19, 22 na 25.

Umuhanga mu by’ubuzima bwo mu mutwe, Anouk de Wit, wigisha muri kaminuza ya Groningen akaba n’umwanditsi w’ubwo bushakashatsi, agira ati “Icyo abagore batangiye gukoresha ibinini bahuriyeho, abangavu n’ababyeyi babo igihe batangiye gufata ibinini byo kuboneza urubyaro, ni ibijyanye n’ibyago byo kugira agahinda".

Abashakashatsi bavumbuye ko abangavu bafite imyaka 16 bafata ibinini byo kuboneza urubyaro bavuzweho kurira cyane, kuryama cyane n’ibibazo byinshi mu kurya kurusha abakobwa batabifata nubwo ibimenyetso bigabanyuka iyo binjiye mu zabukuru.

Abanditsi banditse ko batafata umwanzuro ko ibinini byo kuboneza urubyaro bitera imyitwarire yo kugira akababaro no kumva umuntu amerewe nabi.

Anouk de Wit ati “Kubera imiterere y’inyigo, ntabwo twavuga ko ibinini bihindura imiterere y’umuntu, ariko dufite ibimenyetso ko rimwe na rimwe imiterere ihinduka mbere y’ikoreshwa ry’ibinini ndetse rimwe na rimwe ugasanga ibinini byaratangiye gukoreshwa mbere yuko izo mpinduka ziba.”

Ibyavuye muri ubwo bushakashatsi ntibisobanuye ko abangavu bakwiye kureka ibyo binini, nkuko abashakashatsi babyanditse. Icyakora ibimenyetso by’agahinda gakabije byatuma babireka bakagira ibyago byo gusama inda zitateguwe zikagira ingaruka ku buzima bwabo.

Ibinini bifite akamaro ko kurinda inda zitateguwe no korohereza abakobwa kwitwararika ukwezi kwabo. Ariko kuko ibimenyetso byo guhinduka k’ubuzima bwabo bishobora kugira ingaruka ku buzima busanzwe ni byiza kubihozaho ijisho.

Abahanga mu by'ubuzima bwo mu mutwe berekanye ko gukoresha uburyo bw'ibinini byo kuboneza urubyaro ku bangavu bitera ingaruka zirimo kugira agahinda mu mikurire yabo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza