Kwamamaza

Uburengerazuba: Nyabihu iyoboye utundi turere mu kugira abana bafite imirire mibi

Yanditswe kuya 7-09-2016 saa 20:09' na Sitio Ndoli


Mu turere turindwi tugize Intara y’Uburengerazuba, Nyabihu iza ku mwanya wa mbere mu kugira abana benshi bari munsi y’imyaka itanu bagaragaraho imirire mibi, aho mu bushakashatsi bwakoze mu mwaka wa 2015 ku bufatanye bwa Minisiteri y’Ubuzima n’impuzamiryango irwanya imirire mibi mu Rwanda, Sun Alliance bugaragaza ko abana 59% b’aka karere bahuye n’iki kibazo.

Byagarutsweho n’impuzamiryango irwanya imirire mibi mu Rwanda, Sun Alliance, kuri uyu wa kabiri tariki ya 6 Nzeri 2016, mu biganiro n’Abanyamabanga Nshingwabikorwa b’imirenge igize Intara y’Uburengerazuba, abashinzwe ubuzima mu Ntara ndetse n’abandi bafite aho bahuriye no kurwanya imirire mibi.

Butera John Robert Mugabe, Umuyobozi w’ihuriro SUN [Scaling Up Nutrition] Alliance, avuga ko akarere ka Nyabihu kayoboye utundi mu kugira abana benshi barangwaho imirire mibi, bityo avuga ko hakwiriye ingamba mu kuyirwanya kuko bibagiraho ingaruka mu buzima bwabo.

Ati “Nyabihu ni yo ifite imibare iri hejuru cyane, ni 59% ku rwego rw’igihugu ni 38% y’abana bafite imirire mibi bari munsi y’imyaka 5, icyakorwa ni ugushaka ingamba nk’abafite inka bagaha abana amata, gukora uturima tw’igikoni no guhindura imyumvire kuko u Rwanda rurihagije hafi 80% mu biribwa.”

Akomeza avuga ko akenshi ibi biterwa n’imyumvire ikiri hasi ya bamwe mu baturage harimo n’imiryango nterankunga ijya mu duce tumwe ari myinshi, bityo ngo Leta n’abaterankunga bakwiye kongera amafaranga ashyirwa muri iki gikorwa ndetse no kongera ubukangurambaga.

Mugwiza Antoinne,ushinzwe ubukungu mu karere ka Nyabihu, avuga ko abenshi muri abo bana bavugwaho imirire mibi baturuka mu tundi turere kuko bo ngo bafite umusaruro uhagije. Gusa ntagaragaza imibare y’abakomoka mu tundi turere nubwo agaragaza ingamba batangiye gushyiraho mu guhangana n’icyo kibazo.

Ati “Nyabihu ni akarere kihagije mu Ntara y’Uburengerazuba haba mu biribwa ndetse n’ubworozi, ni akarere gahinga imbuto n’imboga zirimo karoti, ahubwo iyo tugenzuye cyane dusanga ari abana bava mu tundi turere bakurikiye kuba ari akarere kihagije mu biribwa.Abo bana ntitubareka, dukomeza kubitaho tubaha amata. Hari na gahunda ubuyobozi bw’akarere bwihaye yo kubyara abana muri batisimu,umuyobozi akagenda akaba afite abana ashinzwe akajya agenda kubareba ko bavuye muri wa Murongo.”

Muri ubu bushakashatsi bwakozwe muri 2015 bugaragaza ko nyuma ya Nyabihu hakurikiraho Ngororero ifite 55.5% na Karongi ifite abana bagaragaraho imirire mibi ku kigero cya 49.1%, Rubavu ifite 46.3%, na Rutsiro ifite 45.8%.

Gusa nubwo bimeze bityo, mu cyegeranyo giherutse gushyirwa hanze n’ikigo cy’igihugu cy’ibarurishamibare mu Rwanda, cyerekanye ko mu myaka 10 ishize u Rwanda rwagabanyije umubare w’abana bafite imirire mibi ho 13%, kuko mu mwaka wa 2005 abana bari bafite ikibazo cy’imirire mibi bari 51% mu gihe mu 2015 bagabanutse bagera kuri 38%.

Imibare igaragaza uko buri karere mu ntara y'uburengerazuba gahagaze mu bijyanye n'imirire mibi mu bana
Butera John Robert Mugabe, umuyobozi wa SUN Alliance asaba ko hashyirwamo ingufu mu gukangurira abantu kurwanya imirire mibi
Abafite aho bahuriye n'ibikorwa byo kurwanya imirire mibi mu ntara y'Uburengerazuba

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved