Kwamamaza

U Bubiligi: Abasaba ko bahuhurwa kubera indwara zidakira bakomeje kwiyongera

Yanditswe kuya 19-09-2016 saa 18:21' na Tombola Felicie


Umubare w’abasaba ko bahuhurwa kubera uburwayi budakira wikubye inshuro umunani mu Bubiligi mu gihe cy’imyaka icumi kuva muri 2003 kugeza 2013 nk’uko ubushakashatsi bwabigaragaje.

Ubushakashatsi bwakozwe bwagaragaje ko umubare w’abasaba guhuhurwa wavuye ku bantu 235 babisabye muri 2003 ugera ku 1807 muri 2013.

Uburyo bwo guhuhura bukoreshwa mu bihugu bimwe na bimwe aho umurwayi ufite indwara idakira abyisabira maze agaterwa urushinge rumwica atabanje guhura n’ububabare bikozwe n’abaganga.

Kuva muri 2002 kugeza ubu gusaba guhuhurwa (euthanasie) ni igikorwa cyemewe n’amategeko ku bantu barwaye indwara zidakira kandi zibabaza mu Bubiligi.

Urubuga Top-Santé dukesha iyi nkuru ruvuga ko ubushakashatsi bwakozwe na Kaminuza ya Brussels bukandikwa mu kinyamakuru Canadian Medical Association, bwagagaje ko abasabye guhuhurwa barushaho kwiyongera umunsi ku munsi.

By’umwihariko, hagati y’umwaka wa 2003 n’uwa 2013, abarwayi 8752 bari bafite ibibazo byo mu mutwe, n’ibyo ku mubiri bidakira basabye guhuhurwa.

Kugeza ubu, umubare w’abasaba guhuhurwa wikubye inshuro umunani kuva mu mwaka wa 2003 kugeza 2013. Abarwayi bagera kuri 235 babisabye mu 2003, abagera kuri 1807 babisaba mu mwaka wa 2013.

Urwo rubuga rukomeza ruvuga ko imibare ya nyuma yatanzwe n’abayobozi b’u Bubiligi mu mwaka wa 2015, igaragaza ko abarwayi bagera ku 2000 basabye guhuhurwa.

Umurwayi ufite indwara idakira, abaganga bakaba baragerageje ibishoboka byose bikanga,bakamubwira ko nta kindi asigaje uretse urupfu ngo afite uburenganzira bwo gusaba bakamurangiriza ubuzima.

Ngo abenshi mu basaba ubu buryo, ni abari munsi y’imyaka 80 baba barazahajwe n’indwara cyane cyane ya kanseri aho bagera kuri 69% muri icyo gihugu, naho abandi bakaba ari abari mu nzu z’amasaziro ubuzima bwabo buri mu marembera.

Igituma umubare w’abashaka guhuhurwa wiyongera mu Bubiligi ngo ni uko abaturage babifata nk’ibintu bitaziririzwa ndetse bidafite n’icyo bitwaye muri sosiyete ndetse n’abaganga bakaba babisobanurira abarwayi imbonankubone.

Mu Bufaransa naho igikorwa cyo guhugura kiremewe kuva hatorwa itegeko ryiswe "Claeys-Leonetti" ku wa 2 Gashyantare 2016. Aha ho ngo igisabwa ni ukuzuza urupapuro rwanditseho amabwiriza abigenga gusa.

Inkuru bifitanye isano: U Bubiligi: Umwana yishwe nyuma yo kubyisabira

Umubare w'abasaba guhuhurwa mu Bubiligi wariyongereye

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 26 September 2016
Copyright © 2009 -2014 - IGIHE Ltd - All Rights Reserved