Kwamamaza

Rwamagana: Birakekwa ko abarwayi bafungiwe mu bitaro kubera kubura ubwishyu

Yanditswe kuya 1-09-2016 saa 13:57' na Thamimu Hakizimana


Bamwe mu baturage bari bamaze iminsi barwariye mu bitaro bya Rwamagana baravuga ko bagwatiriwe nyuma yo kubura amafaranga yo kwishyura.

Muri barwayi bagwatiriwe n’ibitaro, abagabo barara mu nzu iri gusanwa itabamo ibitanda, mu gihe abagore bo barara ahari ibitanda kubera ko bafite impinja.

Iyo uganiriye n’ aba baturage, bakubwira ko abenshi muri bo bagwatiriwe kuko babuze ubwishyu kubera ikibazo cyo kuba nta mituweli bafite.

Umwe muri bo yagize ati “Ni abaganga nyine bavuze ko nzava aha maze kwishyura, mbabaza uko nzabona amafaranga yo kwishyura kandi ntagera hanze.”

Undi ati “Nyine byatewe no kubura amafaranga ntituzi uko umuntu yayabona ngo atahe.”

Umuyobozi w’Ibitaro bya Rwamagana Dr Muhire Philbert mu kiganiro yagiranye na Flash FM we ntiyemeranya n’aba baturage bavuga ko bagwatiriwe.

Yagize aati "Ibibazo dufitanye n’abarwayi bacu cyane cyane mu bijyanye n’ubwishyu, turi kubikurikirana hamwe n’inzego zaba iz’ubuyobozi bw’akarere, baba ari abo barwayi ku giti cyabo mu byo bagomba gukemura bijyanye na mituweli bagomba gushaka ariko ntabwo dufitanye ibibazo n’abandi bantu ku buryo twagwatira abarwayi dutegereje ko ari bo baza kwishyura."

Icyakora uyu muyobozi avuga ko bagiye gutangira kurekura abo barwayi bahereye ku babyeyi babona ko bafite ibibazo ubundi ngo basigare bakorana n’inzego z’ubuyobozi kugira ngo ibyo bibazo bafite bikemuke.

Akarere ka Rwamagana kamagana ibyo gufatira abarwayi

Umuyobozi w’Akarere ka Rwamagana Mbonyumuvunyi Radjab we yabwiye IGIHE ko bagiye kuganira n’ubuyobozi bw’ibi bitaro ngo kuko kugwatira abarwayi bitemewe.

Yagize ati “ Oya kugwatira abarwayi ntibyemewe rwose, ubu tugiye kuganira n’ubuyobozi uburyo bwagerageza gukemura iki kibazo bukoresheje inzira yo kwandika imyirondoro yabo kugira ngo noneho tujye dufatanya n’inzego z’imidugudu n’utugari batuyemo kubishyuza.”

Yakomeje agira inama abaturage bo muri aka karere yo kwishyura mituweli hakiri kare kuko n’aba bafatiriwe byatewe n’uko ntazo bari bafite.

Meya Mbonyumuvunyi avuga ko kugeza ubu abarenga 60% ari bo bamaze kwishyura umusanzu w’ubwisungane mu kwivuza muri aka Karere ka Rwamagana.

Ikibazo cyo kugwatira abarwayi ahanini babuze ubwishyu cyagiye gikunda kuvugwa mu bitaro bitandukanye mu Rwanda, gusa Minisiteri y’Ubuzima yavuze ko nta mabwiriza yigeze iha ibitaro yo kugwatira abarwayi babuze ubwishyu nyuma yo kuvurwa.

Laboratoire y'ibitaro bya Rwamagana

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 9 Ukuboza 2016
Copyright © 2009 -2014 - IGIHE Ltd - All Rights Reserved