00:00:00 IGIHE NETWORK KN KINYARWANDA EN ENGLISH FR FRANCAIS

Rusizi: Barifuza ko ubwiyongere bwa postes de santé bujyana no kwegerezwa serivisi z’ubuzima

Yanditswe na Sitio Ndoli
Kuya 16 Gicurasi 2021 saa 05:29
Yasuwe :
0 0

Abatuye akarere ka Rusizi barifuza ko ukwiyongera kw’amavuriro mato (Postes de santé) muri aka karere byajyana no kwegereza serivisi z’ubuvuzi kandi nziza kuko hari aho yagiye yuzura ariko abaturage bagakomeza gukora ingendo.

Aba baturage baganiriye na IGIHE ni abo mu tugari twa Gatsiro na Kagara mu Murenge wa Gihundwe. Mu kagari ka Kagaro hashize icyumweru bashimishijwe no kubona inyubako nshya ya poste de santé ariko bagasaba ko nazo zajyana na serivise bahabwa.

Nturanye Emmanuel ati “Twaruhaga tujya gushakira amavuriro ahandi, tukabona ubufasha bitugoye, icyo dusaba ubuyobozi ni uko batugirira vuba cyane kuko imaze kuzura umurwayi yajya arwara ntitwongere guteragira dusiga ivuriro hano tujya i Gihundwe cyangwa Nkanka kandi ryaratwubakiwe.”

Nko mu kagari ka Gatsiro, poste de santé yaho yahinduwe ububiko bw’imiti irwanya malaria. Abayituriye baracyagenda amasaha bajya kwivuriza kure yayo bagasaba ko

Abaturage basaba ko ubuyobozi bwakora uko bushoboye izo poste de santé zigakora icyo zateganyirijwe aho kubereka inyubako gusa.

Mukaniyonsenga Drocella ati “Hashize umwaka yubatswe, hasigaye habitse imiti yo kurwanya Maralia batera mu nzu, abajyanama b’ubuzima niho bayikura.”

Meya w’akarere ka Rusizi, Kayumba Ephrem yavuze ko mu kwirinda ko ayo mavuriro yakubakwa ntabyazwe umusaruro, bafashe gahunda yo kwifashisha abakozi bo ku bigo nderabuzima bazajya basimburana kuhakorera ndetse mu buryo burambye bakazahashyira abakozi bahembwa na leta.

Yagize ati “Twafashe ingamba ko ibigo nderabuzima bizajya bigena iminsi itatu byibuze mu cyumweru bakajya gutanga serivise kuri izo poste de santé kugira ngo abaturage bareke gukora urugendo rurerure. Mu buryo burambye turi kuganira na Minisiteri y’ubuzima ndetse na minisiteri y’abakozi ba Leta kugira ngo izo poste de santé tube twashyiramo abakozi ba Leta”

Mu karere ka Rusizi hasanzwe postes de santé 46 zirimo 8 zidakora, ndetse n’izikora inyinshi ntizikorana n’ubwisungane mu kwivuza kuko hari izeguriwe abikorera.

Postes de santé zikomeje kubakwa mu karere ka Rusizi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .