OMS yemeje urukingo rwa mbere rwa Ebola

Yanditswe na Ferdinand Maniraguha
Kuya 13 Ugushyingo 2019 saa 05:27
Yasuwe :
0 0

Umuryango mpuzamahanga wita ku buzima (OMS) wemeje bwa mbere urukingo rw’icyorezo cya Ebola kimaze iminsi gica ibintu mu Burasirazuba bwa Repubulika Iharanira Demokarasi ya Congo.

Uru rukingo rwiswe Ervebo rwakozwe n’uruganda rw’imiti MERCK. Rwari rumaze igihe rukoreshwa mu igeregeza muri Repubulika Iharanira Demokarasi ya Congo.

Kuri ubu, OMS yatangaje ko hari ibimenyetso bihagije byerekana ko urwo rukingo rukora, nkuko BBC yabitangaje. Ibyo bivuze ko nibura kuri ubu ku isi hari urukingo rwa mbere rwakwifashishwa hirindwa Ebola.

Ibimenyetso byafashwe mu gihe rumaze rukoreshwa, byemejwe ko ari umuti mwiza kandi ufite ubushobozi bwo guhashya Ebola.

Uru rukingo, biteganyijwe ko ruzatangira kujya ku isoko mu mezi yo hagati umwaka utaha.

Guhera muri Kanama umwaka ushize, Ebola imaze guhitana abasaga 2000 muri Repubulika Iharanira Demokarasi ya Congo.

OMS yemeje urukingo rwa mbere rwa Ebola yari imaze iminsi ihitana abantu muri Congo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza