00:00:00 IGIHE NETWORK KN KINYARWANDA EN ENGLISH FR FRANCAIS

OMS yemeje urukingo rwa mbere rwa COVID-19 rwakozwe n’u Bushinwa

Yanditswe na Sibomana Patrick
Kuya 8 Gicurasi 2021 saa 11:36
Yasuwe :
0 0

Ishami ry’Umuryango w’Abibumbye ryita ku Buzima, OMS, ryemeje urukingo rwa COVID-19 rwakorewe mu Bushinwa, ruba urwa mbere rwemejwe rudakorewe mu gihugu cyo mu Burayi cyangwa Amerika.

Uru rukingo rwakozwe n’Ikigo cy’Abashinwa gikora ibijyanye n’imiti cyitwa Sinopharm. Mu igerageza rwakorewe, byagaragaye ko rufite ubushobozi bwa 79% mu kurinda COVID-19.

Rwemejwe nyuma y’izindi zikoreshwa ku Isi muri iki gihe zirimo urwakozwe na Pfizer, AstraZeneca, Johnson & Johnson na Moderna, zose zakorewe mu bihugu by’u Burayi na Leta Zunze Ubumwe za Amerika.

Kimwe n’izindi nkingo za COVID-19, kugira ngo umuntu yizere ko akingiwe neza, azajya ahabwa dose ebyiri, gusa kugeza ubu abari hejuru y’imyaka 18 nibo bemerewe kuruhabwa.

Mbere y’uko rwemezwa na OMS, mu Bushinwa ho rwari rwaratangiye gutangwa aho bibarwa ko dose miliyoni 65 zimaze guhabwa abantu. Rwanatanzwe mu bihugu birimo Pakistan, Leta Zunze Ubumwe z’Abarabu na Hongrie.

Uru rukingo rubikika neza ugerereranyije n’urwa Moderna cyangwa se Pfizer kuko rugenewe kubikwa ahantu hari ubukonje buri hagati ya dogere Celsius ziri hagati y’ebyiri n’umunani.

Byitezwe ko rugiye kwakirizwa yombi n’ibihugu bikennye cyane ibya Afurika byari bigowe no kubona urukingo mu gihe iki cyorezo gikomeje guca ibintu ku Isi.

Urukingo rwa mbere rwakozwe n'u Bushinwa rwemejwe na OMS

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .