Nyarugenge mu rugamba rwo kurwanya imirire mibi mu bana

Yanditswe na Tombola Felicie
Kuya 9 Gashyantare 2017 saa 09:26
Yasuwe :
0 0

Abana basaga 100 mu karere ka Nyarugenge barakurikiranwa muri gahunda zibera ku bigo nderabuzima zo kubakura mu mirire mibi kuko bagaragaza kugwingira no kugira ibiro bidahagije.

U Rwanda rukomeje gukora ubukangurambaga ndetse no gukorana n’inzego zose kugira ngo ibibazo by’imirire mibi cyane cyane mu bana bari munsi y’imyaka itanu bicike dore ko mu gihugu hose 38% bafite ibibazo byo kugwingira, 9% bafite ibiro bitajyanye n’imyaka yabo naho 3% bakaba bafite ikibazo cy’inzara.

Kuri uyu wa Kane tariki ya 9 Gashyantare 2017, ubwo ikigo UAExChange cyasuraga abana 32 bafite ibibazo by’imirire mibi bo ku kigo nderabuzima cyo mu Biryogo kwa Nyiranuma , bakabashyikiriza amata angana na litiro hafi 200 byagarutsweho ko mu Karere ka Nyarugenge hakiri ibibazo by’imirire mibi.

Nyagahinga Jean de Dieu, Umuyobozi ushinzwe ubuzima mu karere ka Nyarugenge yatangaje ko hagikenewe ubukangurambaga ndetse no kwigisha ababyeyi kuko hari abumva Nyarugenge nk’umujyi gusa bakibwira ko ibibazo by’imirire mibi bidahari, bikigaragara.

Ati “Hari abumva Nyarugenge bakumva ko ari umujyi gusa, nyamara ibibazo by’imirire mibi biracyahari, niyo mpamvu dushimira abafatanyabikorwa bahisemo kuza gutanga amata ku bana bafite ibi bibazo.”

Umujyi wa Kigali uri mu cyumweru cyo kurwanya imirire mibi ku bana bari munsi y’imyaka itanu cyatangiye tariki ya 6 kikazasozwa ku ya 10 Gashyantare 2017, mu murenge wa Bumbogo wo mu karere ka Gasabo, uza ku isonga.

Bamwe mu babyeyi bafite abana bagaragarwaho n’imirire mibi bavuze ko kubura umwanya wo kubitaho, barwana no kubona imibereho ari kimwe mu bituma bagira imibereho mibi nk’uko byagarutsweho na Barakagwira Françoise.

Ati" Nkanjye narafunzwe ngarutse umwana wanjye yarahuye n’imirire mibi, mbese imibereho mibi tuba dusanganywe igera no ku bana bacu."

Umuyobozi wa UAExChange mu Rwanda N. Riyaz yatangaje ko bari mu bikorwa bise ‘gushimisha abandi’ bityo akaba ariyo mpamvu bahisemo gufasha abana bafite ikibazo cy’imirire mibi kugira ngo bakure neza.

Ati “Kugira icyo dufasha sosiyete ni umuco wacu muri UAExChange, ntabwo twoherereza amafanga abari mu mahanga ngo tunavunje amafaranga gusa, ahubwo tunafasha sosiyete nk’abatishoboye kugira ngo tubazanire ibyishimo.”

“Twafatanyije n’umujyi wa Kigali mu cyumweru barimo cyo kurwanya imirire mibi mu bana bari munsi y’imyaka itanu niyo mpamvu twahisemo kubaha amata.”

UAExChange ni ikigo cyoherereza abantu abantu amafaranga mu bihugu bitandukanye hakoreshejwe banki, moneygram,western union n’ubundi buryo ndetse bakanakora n’akazi ko kuvunja amafaranga.

Iki kigo kimaze kimaze imyaka 36 gishinzwe, kimaze imyaka itandatu gikorera mu Rwanda.

ABabyeyi bagiye guhesha abana amata
Abayobozi ba UAExchange bagiye guha abana amata

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza