Minisante yatangiye gupima indwara ya Ebola abinjira mu Rwanda baturutse muri Congo

Yanditswe na Mukaneza M.Ange
Kuya 19 Gicurasi 2017 saa 04:57
Yasuwe :
0 0

Nyuma y’aho indwara ya Ebola igaragariye muri Repubulika Iharanira Demokarasi ya Congo (RDC), Minisiteri y’Ubuzima(Minisante), yatangiye gusuzuma umuriro abantu bose binjira mu Rwanda banyuze ku mipaka ya Rubavu na Rusizi.

Mu cyumweru gishize nibwo Ishami ry’Umuryango w’Abibumbye ryita ku buzima OMS, ryemeje ko mu ntara ya Bas Uele muri RDC hagaragaye indwara ya Ebola, ndetse ko hari abagera kuri batatu imaze guhitana.

Kuri uyu wa 19 Gicurasi 2017, nibwo batangiye gusuzuma abinjira mu Rwanda hakoreshejwe ibipimo by’umuriro bidasaba ko bagukoraho.

Abantu bose bazajya basangana umuriro uri ku kigero cyo hejuru n’ abamaze iminsi itarenze 22 bavuye mu duce two muri RDC Ebola yagaragayemo, bazajya bakumirwa kwinjira mu Rwanda.

Nk’uko bigaragara kuri Twitter ya Minisante, uku gupima bizanakomeza gukorerwa ku Kibuga cy’indege mpuzamahanga cya Kigali, hakoreshejwe icyuma cyabugenewe (heat scan).

Minisante kandi yongeye guhumuriza Abanyarwanda ivuga ko gusuzuma abinjira mu gihugu atari uko Ebola yagaragaye mu Rwanda, ahubwo ari uburyo bwo kwirinda.

Umupaka uhuza u Rwanda na Repubulika Iharanira Demokarasi ya Congo(mu Karere ka Rubavu)

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244