Miliyoni eshatu z’abantu bapfa buri mwaka bazize guhumeka umwuka wanduye

Yanditswe na Uwishyaka Jean Louis
Kuya 3 Ukwakira 2016 saa 06:57
Yasuwe : XX
0

Ishami ry’Umuryango w’Abibumbye ryita ku buzima,OMS, ritewe impungenge n’uko umubare munini w’abatuye Isi bahumeka umwuka mubi wangiza ubuzima bwabo.

Raporo yasohowe n’uyu muryango ku wa Kabiri tariki ya 27 Nzeri 2016, igaragaza guhamagarira inzego zifata ibyemezo kugira icyo zikora ku bijyanye no guhamana kw’ikirere.

Top santé yanditse ko abashakashatsi bo muri Kaminuza ya Bath yo mu Bwongereza, bagaragaje ko nyuma yo gusuzuma ahantu 3000 hirya no hino ku Isi cyane mu mijyi, basanze abahatuye bahumeka umwuka wanduye bitandukanye n’ibipimo byashyizweho na OMS.

Umwe mu bayobozi ba OMS agira ati "Hagomba kugira igikorwa byihuse ku kwiyongera gukabije kw’ihumana ry’ikirere. Abagera kuri 92% by’abatuye Isi, batuye mu bice bidakurikiza ibipimo by’umwuka mwiza biba byarashyizweho na OMS.”

OMS ivuga ko ibipimo byemewe by’umwuka mwiza ari uri munsi ya Miligarama 10 kuri Metero cube (10mg/m3).

Miliyoni eshatu z’abantu bapfa buri mwaka kubera guhumeka umwuka mubi

Iyo raporo yerekana ko guhumeka umwuka wanduye bigira ingaruka ku bantu bafite ubuzima budakomeye nk’abana, abasaza n’abakecuru ndetse n’abagore kandi ko kugira ngo umuntu agire ubuzima bwiza bisaba ko aba yahumetse umwuka mwiza.

Mu bantu miliyoni esheshatu bapfa buri mwaka, muri bo umwe mu bantu icyenda aba yazize guhumeka umwuka wanduye waba uw’imbere aho aba cyangwa hanze aho agenda.

Dr Maria Neira, Umuyobozi w’Ishami ry’Ubuzima rusange muri OMS ati " Miliyoni eshatu z’abapfa buri mwaka baba bazize umwuka wanduye bahumeka hanze yaho batuye".

Dr Neira avuga ko hari igikwiye gukorwa byihuse nko gushaka uburyo bunoze bwo gutwara abantu, uburyo bwo kugenzura ahashyirwa imyanda, kugabanya imyuka yoherezwa mu kirere n’inganda, kureba neza ibikwiriye gucanwa n’ibitemewe n’ibindi nka bimwe mu bitera umwuka wo mu kirere guhumana.

Imyuka yanduye ikomeje kugira ingaruka ku batuye Isi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza