Kureba film z’inyamaswa, igisubizo ku bafite ukwiheba n’umunaniro ukabije

Yanditswe na Tombola Felicie
Kuya 16 Werurwe 2017 saa 11:52
Yasuwe :
3 0

Abashakashatsi bo muri Kaminuza ya California n’iya Berkeley zo muri Leta Zunze Ubumwe za Amerika, bavumbuye ko kureba film zerekeye inyamaswa zo mu gasozi bifite akamaro ku bwonko kuko bivura umunaniro ukabije no kwiheba.

Igihe wumva wihebye, ufite ubwigunge cyangwa umunaniro ukabije, abahanga batanga inama ko umuti wabyo mwiza ari ukwicara imbere ya televizion ukareba film ngufi zerekeye inyamaswa zo mu ishyamba kuko amarangamutima n’amatsiko umuntu abigirira ahita yirukana ukwiheba n’umunaniro ukabije mu bwonko.

Urubuga topsante rwandika inkuru zijyanye n’ubuzima, rwerekanye ko ubwo ari uburyo bwo kwivura bw’umwimerere nta muti wundi umuntu anyweye.

Abo bashakashatsi bafatanyije n’Itsinda rya BBC bakora ubushakashatsi ku kureba film zerekeye inyamaswa n’ingaruka bigira ku buzima bw’abazireba.

Ubwo bushakashatsi bwakorewe ku bantu 7 500 baturuka mu bihugu burimo u Bwongereza, Singapore, u Buhinde, Australia na Afurika y’Epfo.

Bamwe mu bakoreweho ubwo bushakashatsi, bagaragaje ko barebye barebye film z’inyamaswa zo mu ishyamba mu gihe cy’iminota mike mu gihe abandi barebye izerekeye uburezi.

Intego yabwo yari ugupima ikigero cy’amarangamutima y’abazireba, haba mu kugaragaza uburakari, ubwoba, ugutungurwa n’ibindi. Bamwe muri bo babwiye abashakashatsi uko biyumva nyuma yo kuzireba mu bijyanye n’umunaniro.

Nyuma y’ibyo abarebye amashusho y’inyamaswa zo mu gasozi bagaragaje ko umunaniro bari bafite wagabanutse cyane, ahubwo bibatera ibyishimo n’amatsiko menshi.

Abari hagati y’imyaka 16 na 24 ni bo bagaragaje impinduka ku rwego ruri hejuru nyuma yo kureba ayo mashusho y’inyamaswa.

Ntabwo ari inshuro ya mbere film zerekeye inyamaswa zemezwa nka kimwe mu bisubizo mu kugarurira icyizere abantu kuko ayo mashusho yagiye akoreshwa mu gusuzuma ibibazo by’abafite ukwiheba gukabije kandi akabafasha kubivamo.

Gusa nubwo ubushakashatsi bugaragaza ko kureba film z’inyamaswa ari byiza ku muntu, ababukoze banerekana ko atari byiza kuzireba mu masaha y’akazi bitewe n’uko byagira ingaruka mbi ku musaruro wako.

Umuryango w’Abanyamerika uhuza abashakatsi mu by’imitekerereze, ugaragaza ko muri Amerika umunaniro wiganje cyane mu bantu bakuru. Bagaragaza ko 75% by’abakuze muri iki gihugu bavuze ko bagize ikibazo cy’umunaniro ukabije.

Umuntu umwe kuri 75 muri Amerika ahura n’ikibazo cyo guhungabana bijyana no kwiheba, ahanini yikanga ikibi gishobora kumubaho.

Ishami ry’umuryango w’Abibumbye ryita ku buzima, OMS/WHO, rigaragaza ko ukwiheba kuri mu bintu bya mbere bitera ubumuga bunyuranye mu bantu hirya no hino.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza


Warning: mysqli_query(): (HY000/1194): Table 'spip_jobs' is marked as crashed and should be repaired in /home/lex94/public_html/ecrire/req/mysql.php on line 244