Kugabanya 10% by’umunyu uribwa bishobora gucungura abicwaga n’umutima

Yanditswe na Uwishyaka Jean Louis
Kuya 12 Mutarama 2017 saa 10:55
Yasuwe :
0 0

Abashakashatsi bo muri Amerika no mu Bwongereza, bagaragaje ko umuntu urya umunyu ku gipimo cyo hejuru bimwongerera ibyago byo kurwara indwara z’umutima, bityo ko hakenewe ubukangurambaga ku ngaruka zo kurya umunyu mwinshi ku buzima bwa muntu.

Izo nzobere kandi zagaragaje ko ingufu zashyizweho zo kugabanya umunyu umuntu arya ho 10% mu myaka icumi, bishobora kuzahagarika impfu z’amamiliyoni y’abantu bicwa n’indwara z’umutima.

Prof Dariush Mozaffarian, umwarimu wigisha ibijyanye n’imirire muri Kaminuza ya Tufts yo muri Amerika, yavuze ko igitekerezo cyo kugabanya ingano y’umunyu uribwa, cyaba ari cyiza ndetse binahendutse kurusha kwifashisha imiti mu rwego rwo guhangana n’izo ndwara.

Ubwo bushakashatsi bwagaragaje ko abantu bakuru barya umunyu urenze garama ebyiri ku munsi, nk’igipimo ntarengwa cyashyizweho n’ishami ry’umuryango w’Abibumbye ryita ku buzima (OMS), ibituma byibura buri mwaka abantu miliyoni 1,6 bicwa n’indwara z’umutima.

The Mirror dukesha iyi nkuru, ivuga ko iryo tsinda ry’abashakashatsi ryatangije izo ngamba zo gukangurira abantu gukoresha umunyu muke mu gihe cy’imyaka 10(2011-2020) mu bihugu bisaga 183, ku buryo bizera ko impfu ziterwa n’indwara zituruka ku kurya umunyu mwinshi zizakomwa mu nkokora.

Michael Webb, umunyeshuri mu ishami ry’ubukungu, muri Kaminuza ya Stanford yo muri Leta Zunze Ubumwe za Amerika, na we yatangaje ko guverinoma yose izashyigikira uyu mushinga wo kugabanya umuntu abantu barya bizatuma ugirira akamaro hafi ibihugu byose ku Isi.

Izi nzobere zinagaragaza ko hari abantu batazi iby’iki gitekerezo cyatangiye gushyirwa mu bikorwa muri bimwe mu bihugu bigize Isi.

Kugabanya umunyu uribwa ho 10% bishobora kurinda impfu ziterwa n'umutima

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza