Kwamamaza

Kigali: Abagore n’abakobwa bapimwe banagirwa inama kuri Kanseri y’ibere

Yanditswe kuya 13-11-2016 saa 11:19' na Nsengimana Evariste


Minisiteri y’Ubuzima ibinyujije mu Kigo cy’Igihugu gishinzwe Ubuzima (RBC), Access Bank n’Umuryango ushinzwe guteza imbere imibereho myiza y’abaturage (SFH), batangije igikorwa cyo gupima indwara ya Kanseri y’ibere ku bagore, hanatangwa inama ku buryo umuntu ashobora kwisuzuma akamenya niba hari ibyago byo kuyirwara afite bitewe n’ibimenyetso yibonyeho.

Iki gikorwa cyabereye mu gace kahariwe Abanyamaguru (Car Free Zone) kuri uyu wa Gatanu tariki ya 11 Ugushyingo 2016.

Kigamije gusuzuma no kwigisha abantu uburyo bamenya niba bashobora kurwara Kanseri y’ibere, ubimenye agahita yihutira kwisuzumisha ku mavuriro abifitiye ubushobozi nk’uko bitangazwa na Kwizera Jean Bosco, umuyobozi ushinzwe ibikorwa mu baturage muri SFH.

Ati “ Tugerageza gufasha abagore n’abakobwa kugerageza kubakorera ibizamini by’ibanze kugira ngo turebe ko hari ababa bafite kanseri cyangwa baba bakekwaho kuba bagira ibimenyetso bya kanseri y’ibere.”

Yavuze ko abagaragaje ibimenyetso boherezwa ku bitaro bivura iyi ndwara kugira ngo bakurikiranwe n’abaganga.

Dr. Uwinkindi François, umuyobozi ushinzwe kurwanya indwara zitandura na kanseri muri RBC, yasobanuriye abari bitabiriye iki gikorwa indwara ya kanseri y’ibere na bimwe mu bimenyetso umuntu ashobora kwibonaho akihutira kwisuzumisha kugira ngo arebe ko ayirwaye.

Muri ibyo bimenyetso yavuzemo kugira ikibyimba mu ibere, kubona ibere rimwe riruta irindi, kubona amazi avanze n’amaraso mu ibere kandi utonsa no guhisha kw’ibere rigasa n’icunga rihiye.

Yagarutse kandi kuri bimwe mu bintu bishobara gutera iyi ndwara harimo kunywa inzoga nyinshi, uruhererekane ruturuka ku muryango (hereditaire), umubyibuho ukabije no kutonsa uko bikwiye.

Ubu bukangurambaga bwatangirijwe mu Mujyi wa Kigali, ariko biteganyijwe ko ibikorwa nk’ibi bizagera no mu zindi ntara.

Ishami ry’Umuryango w’Abibumbye ryita ku buzima OMS rivuga ko abantu bagera kuri miliyoni 1,7 ku Isi barwaye kanseri y’ibere, naho abagore bagera ku 522 000 yarabishe.

Abagore n'abakobwa benshi bari bitabiriye iki gikorwa
Bagiriwe inama z'uburyo bashobora kwisuzuma ubwabo bakamenya niba baba barwaye iyi ndwara
Kwizera avuga ko abo basanganye ibimenyetso bya kanseri y'ibere babohereza ku mavuriro afite ububasha bwo kuyivura
Dr. Uwinkindi François yasobanuriye abari bitabiriye iki gikorwa ibimenyetso biranga kanseri y'ibere

Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Monday 5 Ukuboza 2016
Copyright © 2009 -2014 - IGIHE Ltd - All Rights Reserved