Impamvu mu Rwanda hakigaragara abakora ubuvuzi batabifitiye impushya zo kubikora nk’abanyamwuga

Yanditswe na Evariste Nsengimana
Kuya 5 Gashyantare 2020 saa 03:30
Yasuwe :
0 0

Minisiteri y’Ubuzima yasobanuriye Abadepite bagize Komisiyo y’Imibereho myiza y’Abaturage ko impamvu hari ibitaro n’ibigo nderabuzima bigikoresha abakozi badafite impushya zo gukora umwuga w’ubuvuzi zitangwa n’inganga bahuriramo, ari ingaruka z’uko yamaze igihe kinini nta mbonerahamwe igena imyanya y’imirimo ifite no kuba ababwize bakiri mbarwa.

Ibi bisobanuro byatanzwe n’Umuyobozi mukuru ushinzwe ibikorwa rusange muri Minisante, Ndonkeye Valens, kuri uyu wa 5 Gashyantare 2020, ubwo yasobanuraga kuri Raporo Komisiyo y’igihugu ishinzwe abakozi ba Leta yasohoye ya 2018-19.

Iyi raporo yagaragaje ko ibitaro 42 biri mu gihugu bifite imyanya 3 596 (49.3%) itarashyirwamo abakozi mu myanya 7 290 yari iteganyijwe mu mbonerahamwe y’imirimo.

Mu bibazo iyi Komisiyo yabajije Minisante harimo kugararagaza impamvu hari abakozi benshi bagaragara mu mbonerahamwe y’imirimo y’ibitaro n’ibigo nderabuzima, badafite impushya zo gukora umwuga w’ubuvuzi.

Depite Kalinijabo Barthélémy atanga igitekerezo yagize ati “Ntabwo numva ukuntu ibitaro muha akazi umukozi udafite uruhusa, akaza agakora mugategereza kubibwirwa n’ubugenzuzi bwa komisiyo y’abakozi ba Leta nk’aho mwabuze abantu bazifite.”

Ndonkeye yavuze ko mu 2017 ubwo Minisante yashyiraga abakozi mu myanya y’imirimo hakurikijwe imbonerahamwe nshya y’imirimo abagera kuri 500 bakaba batari bafite impushya mu bakozi basaga ibihumbi 18.

Yasobanye ko abenshi muri bo byatewe n’uko mbere ya 2016 iyi Minisiteri nta mboneramwe igena imyanya y’imirimo mu bitaro no mu bigo nderabuzima yari ifite.

Ati “Ijanisha ntiryari rinini cyane ariko n’iryo rito rikwiye kuvaho ariko byose bikajyana no kuba tutaragiraga imbonerahamwe igena imyanya y’imirimo mu bitaro no mu bigo nderabuzima, noneho tukavuga ngo aba bantu n’ubundi bagize imyaka bakora kandi hari n’urugaga turimo dushakira ubushobozi, reka tureke kwirukana umuntu arimo avura.”

Ndonkeye yasobanuye ko mu by’ukuri mu Rwanda hakiri n’ikibazo cy’abantu bize ubuvuzi ku buryo kubirukana bitari gukemura ikibazo.

Ati “Ntabwo dufite benshi, hari igihe ushaka aho ukura usuzuma ibizamini wohereza i Gihundwe cyangwa i Bushenge ukamubura..Ntabwo turagira benshi ku buryo twavuga ngo n’uyu uhari tumwirukane.”

Abari basanzwe bakora umwuga w’ubuvuzi ariko nta mpushya bafite zo kuwukora nk’abanyamwuga, Minisiteri y’Ubuzima yabahaye amahirwe yo kujya gukora ibizamini ariko n’akazi bakoraga kadahagaze kugira ngo babashe kubona izo mpushya.

Abadepite bari kumva ibisobanuro bya Minisante
Depite Habineza Frank ari gutanga igitekerezo
Depite Kalinijabo yibaza impamvu hari abakozi bakora mu buvuzi badafite impushya z'ingaga zigenga umwuga wabo
Perezida wa Komisiyo Muhongayire Christine yasabye Minisante kugaragaza ingamba zihamye ifitiye iki kibazo
Umuyobozi mukuru ushinzwe ibikorwa rusange muri Minisante Ndonkeye Valens ari gusobanurira abadepite

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza