00:00:00 IGIHE NETWORK KN KINYARWANDA EN ENGLISH FR FRANCAIS

Hejuru ya 50% y’abarengeje imyaka 18 mu Rwanda bamaze kubona doze imwe y’urukingo rwa COVID-19

Yanditswe na Umwali Zhuri
Kuya 13 Ugushyingo 2021 saa 02:19
Yasuwe :
0 0

Kuva muri Werurwe u Rwanda rwatangira ibikorwa byo gukingira Covid-19, imibare ya Minisiteri y’Ubuzima igaragaza ko hejuru ya 50% by’abaturage barengeje imyaka 18, bamaze guhabwa nibura doze imwe y’urukingo.

Abaturarwanda bamaze guhabwa doze ya mbere y’urukingo rwa Covid-19 ubu bangana na miliyoni 4,8 mu gihe abamaze gukingirwa byuzuye bo ari miliyoni 2,6.

Bivuze ko barenga 50% by’abari hejuru y’imyaka 18 kuko aribo bemerewe gukingirwa kugeza ubu.

Igihugu cyihaye intego yo gukingira 60% mu buryo bwuzuye mu mwaka wa 2022.

Minisiteri y’Ubuzima isobanura ko kudakingirwa ari ukubera imbogamizi abandi, uburenganzira bw’umuntu umwe bukaba ikibazo ku bw’abandi kuko aba ashobora kubanduza.

Ibi bikorwa byo gukingira bikomeje gushyirwamo imbaraga cyane mu gihugu ku buryo hari n’ubukangurambaga buri gukorwa n’abahanzi bashishikariza abaturage kwitabira gufata urukingo.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .