Hakozwe ubushakashatsi ku buvuzi buhabwa abagore

Yanditswe na Evariste Nsengimana
Kuya 5 Ukuboza 2017 saa 04:00
Yasuwe :
0 0

Ubushakashatsi bwagaragaje ko kuba abagore bavurwa indwara zo mu myanya ndangagitsina, hakagenderwa gusa ku bimenyetso hatakozwe ibizamini, hari igihe bavurwa batarwaye hari hakenewe gusa inyigisho z’uko bakwifata.

Kuri uyu wa Kabiri, nibwo umuryango ukora ubushashatsi ku ndwara z’abagore witwa “Rinda Ubuzima”, wamurikiye Minisiteri y’Ubuzima ubushakashatsi bwamaze umwaka ku buvuzi bw’indwara z’abagore.

Ubu bushakashatsi bwakorewe ku bagore b’i Kigali 705, barengeje imyaka 18, bugamije gusuzuma niba kuvura indwara z’abagore nta bizamini bakorewe, nta zindi ngaruka bigira. Ubwo bushakashatsi bwagizwemo uruhare na Kaminuza ya Liverpool yigisha iby’ubuzima rusange n’indwara z’ibyuririzi n’indi yo mu Buhorandi.

Umukozi uhagarariye Rinda Ubuzima, Umulisa Marie Michelle, yavuze ko ubushakashatsi bwagaragaje ko hari abagore bahabwa imiti hagendewe ku bimenyetso.

Yagize ati “Ni ukuvuga ngo nubwo bari bafite bya bimenyetso, bafite bwa bubabare mu myanya ndangagitsina ariko mu by’ukuri nta kibazo (indwara) bari bafite, icyari icy’ingenzi kwari ukubigisha uburyo bitwara, uburyo bw’isuku, ubw’imyambarire. Usanga ibyo bijya bitera kwishimagura mu myanya ndangagitsina.”

Bimwe mu bintu bigarukwaho muri ubu bushakshatsi bishobora gutuma umugore agira impungenge ko arwaye mu myanya ndangagitsina atarwaye, harimo umwanda ushingiye ku kudakaraba uko bikwiye, kudahindura imyenda y’imbere n’impapuro z’isuku mu gihe bari mu mihango n’ibindi.

Ubushakashatsi bugira inama Minisiteri y’Ubuzima ko umugore yajya abanza gusuzumwa mbere yo guhabwa umuti uwo ariwo wose kugira ngo bamenye icyo bamuvura.

Umuyobozi Mukuru ushinzwe ibikorwa by’ubuzima muri Minisiteri y’Ubuzima, Dr. Zuberi Muvunyi, yagaragaje ko ubushakashatsi ari ngombwa kuko butanga umurongo ukwiye kugenderwaho.

Yati “Ubu bushakashatsi buduha ibipimo bifatika bituma tubasha gufata ingamba zihamye zo kurinda abanyarwanda, zo gutuma ubuzima bwabo, ubw’imyororokere burushako kumera neza kandi noneho no kwirinda bino byorezo by’indwara zandurira mu mibonano mpuzabitsina.”

Prof. Janneke Van de Wijgert, Umwarimu muri Kaminuza ya Liverpool yigisha iby’ubuzima rusange n’indwara z’ibyuririzi
Abakozi ba Minisante bamurikirwa ubushakashatsi ku buvuzi bw’indwara z’abagore
Umukozi uhagarariye Rinda Ubuzima, Umulisa Marie Michelle
Umuyobozi mukuru ushinzwe ibikorwa by’ubuzima muri Minisiteri y’Ubuzima, Dr. Zuberi Muvunyi

Niba ushaka kuduha inkuru waduhamagara kuri 4546
Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza