00:00:00 IGIHE NETWORK KN KINYARWANDA EN ENGLISH FR FRANCAIS

Hagiye gukorwa ubushakashatsi ku ndwara zagabanutse mu gihe cya Covid-19

Yanditswe na Mukahirwa Diane
Kuya 22 Kanama 2021 saa 06:40
Yasuwe :
0 0

Minisiteri y’Ubuzima ifatanyinye n’Ishami ry’Umuryango w’Abibumbye ryita ku Buzima, OMS, bagiye gukora ubushakashatsi bwo kureba indwara zagabanutse mu gihe cya Covid-19 mu Rwanda.

Kuva mu mpera za 2019 ubwo Coronavirus yagaragaraga bwa mbere i Wuhan mu Bushinwa, hagiye hafatwa ingamba nyinshi zo guhangana nayo cyane cyane izishishikariza abantu kurangwa n’isuku.

Kuba abantu bakaraba intoki kenshi gashoboka bishobora kugabanya indwara zituruka ku mwanda nk’impiswi n’izindi. Usibye izi kandi abantu basigaye bahora bambaye agapfukamunwa bituma imyanya yo mu buhumekero iba irinzwe ku buryo indwara zihafata zagabanuka.

Mu kiganiro Dusangire Ijambo gica kuri Televeziyo Rwanda, Umuyobozi w’Ibikorwa by’Ubuvuzi muri Minisiteri y’Ubuzima, Dr Ntihabose Corneille, yavuze ko usanga hari indwara zabagabunutse muri ibi bihe bya Covid-19.

Yagize ati “Ubona ko indwara nk’ibicurane n’umusonga zagabanutse bitewe n’uko hari ingamba zashyizweho. Indwara z’ubuhumekero zari ku mwanya wa mbere ubonako zagabanutse.”

Yakomeje avuga ko hagiye gukorwa ubushakashatsi bwo kureba indwara zagabanutse muri iki gihe cya Covid-19 ndetse n’uburyo zagabanutsemo.

Yagize ati “Dufite ubushakashatsi tugiye gutangira dufatanyije na OMS tureba uko izindi ndwara zagabanutse mu gihe cya Covid-19, ku buryo mu mezi atatu tuzaba twarabonye zimwe mu zagabanutse.”

Raporo igaragaza imiterere y’urwego rw’ubuzima mu Rwanda hagati ya 2017 na 2019, yagaragaje ko mu ndwara 10 zihitana abantu benshi mu Rwanda ku mwanya wa mbere haza izifitanye isano n’ubuhumekero.

Kuba abantu basigaye bakaraba kenshi, bakambara udupfukamunwa biri mu bizatuma indwara z'umwanda n'iz'ubuhumekero zigabanyuka

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .