Kwamamaza

Burera: Bahitamo kwivurisha ibimera kubera kubura Mituweli

Yanditswe kuya 5-09-2016 saa 13:51' na Thamimu Hakizimana


Bamwe mu baturage bo mu Murenge wa Cyanika, mu Karere ka Burera,baravuga ko bivuza bakoresheje imiti bikoreye mu bimera kubera kubura amafaranga yo kwishyura mituweli.

Umurenge wa Cyanika ni umwe mu mirenge 17 igize Akarere ka Burera, ukaba uhana imbibi na Uganda.

Benshi mu batuye muri uyu murenge bakora imirimo yiganjemo iy’ubuhinzi cyane cyane ubw’ibirayi.

Bamwe mu baturage baganiriye na Radiyo Flash bavuga ko babuze amafaranga yo kwishyura mituweli ku buryo ngo bivuza bakoresheje ibyatsi birimo inyabarasanya,inturusu,pinusi kubera ko bugarijwe n’ubukene bw’umusaruro ukomoka ku murimo w’ubuhinzi utunze abatari bake muri ako gace wabaye muke cyane bitewe n’izuba ryinshi ryavuye muri uyu murenge.

Umwe muri abo baturage yagize ati “ Nubwo narwara ntabwo nabona amafaranga yo gutanga nivuza;ni ukugwa mu rugo.”

Undi ati “ Iyo umuntu ari gukorora ashobora kwivurisha inturusu n’Umuravumba cyangwa se ibindi byatsi bitewe n’ikibazo cyo kubura mituweli.”

Umugore umwe na we yagize ati “ Hari nk’igihe umuntu aba ari umupfakazi afite nk’abana batandatu cyangwa barindwi akaba afite inzu bigatuma abayobozi bavuga ngo ashobora gutanga mituweli. Iyo abana banjye barwaye mponda ibyasi nkaba ari byo mbaha."

Ubuyobozi bw’umurenge wa Cyanika buti "Abo si abacu"

Ubuyobozi bw’umurenge wa Cyanika bwo ntibwemera ko hari abaturage bivurisha ibyatsi kuko ngo n’igipimo cyo gutanga ubwisungane mu kwivuza muri aka gace gishimishije.

Umunyamabanga Nshingwabikorwa w’Umurenge wa Cyanika Kayisinga Faustin yagize ati “ Yenda mushobora kuba mwahuye n’umuturage utari uwa Cyanika kuko ndibaza ko nta muturage w’aha ufite iyo myumvire. Ubu kuri mituweli duhagaze neza. Dufite ikigo nderabuzima cya Cyanika n’ayandi mavuriro ane ku buryo abantu bose bavurwa.”

Ubuyobozi bw’uyu murenge buvuga ko ubwisungane mu kwivuza butameze nabi kuko ngo hari Akagari gafite abatanze ubwisungane mu kwivuza ku gipimo cya 90% ndetse ngo n’akaza ku mwanya wa nyuma ubwitabire bwako bukaba buri kuri 57%.


Kwamamaza

Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Thursday 8 Ukuboza 2016
Copyright © 2009 -2014 - IGIHE Ltd - All Rights Reserved