00:00:00 IGIHE NETWORK KN KINYARWANDA EN ENGLISH FR FRANCAIS

Abantu bo muri Aziya bavumbuwemo ingirabuzima fatizo ishobora guha urwaho Covid-19

Yanditswe na Zigiranyirazo Bajecteur
Kuya 6 Ugushyingo 2021 saa 01:38
Yasuwe :
0 0

Abashakashatsi bo muri Kaminuza ya Oxford bavumbuye ingirabuzima fatizo (gene) ishobora kuba icyambu cyo kwangirika kw’ibihaha ku muntu urwaye indwara z’ubuhumekero ku buryo ashobora guhitanwa na Covid-19 byoroshye.

Ibyo byago byikubye kabiri ibyari bisanzwe. Abashakashatsi basanze iyo ngirabuzima fatizo mu baturage bo muri Aziya y’Epfo bagera kuri 60% n’abafite inkomoko mu Burayi bangana na 15%.

Iyo ngirabuzima yahawe izina rya LZTFL1. Abayifite bahura n’ibyago bikomeye by’uko ibihaha byabo bizahazwa cyane na COVID-19 ku buryo bishobora no kubaviramo kuhasiga ubuzima.

Icyakora ubushakashatsi bushimangira ko ibyo bavumbuye bizafasha mu gukora imiti ifasha ibihaha cyane cyane kuko LZTFL1 itagira ingaruka ku bwirinzi bw’izindi ngingo z’umubiri.

Nubwo bimeze bityo ariko, mu mboni z’abashakashatsi, inkingo z’icyorezo cya COVID-19 zihari kugeza ubu zitanga icyizere cyo kugabanya ibyo byago biterwa na LZTFL1.

Mu bushakashatsi, abantu bakomoka muri Afurika basanganywe iyo ngirabuzima fatizo bangana na 2% n’aho abo muri Aziya y’Uburasirazuba bayifite bangana na 1,8%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .