Kwamamaza

Abangaga gutanga amaraso bazi ko agurishwa barahumurizwa

Yanditswe kuya 10-09-2016 saa 08:25' na Tombola Felicie


Iyo uganiriye n’abantu wumva bibaza impamvu amaraso atangwa ku buntu ariko umurwayi yayakenera bakayamugurisha, nyamara burya ngo mu byo abaganga baba bahaye umurwayi amaraso yo ngo ntabwo aba ayaguze kuko atangirwa ubuntu kugeza ubu.

Ubwo hakorwaga igikorwa cyo gutanga amaraso mu mujyi wa Kigali ahazwi nka Car free zone, ku nshuro ya gatatu, hagamijwe korohereza abantu bahorana akazi kenshi kubona uko batanga amaraso bakisubirira mu kazi kabo,IGIHE yegereye Dr Gatare Swaibu uyobora Ikigo cy’Igihugu cyo gutanga amaraso maze atangaza ko abibwira ko amaraso agurishwa bibesha kuko atangirwa ubuntu.

Ati” Kugeza ubu ahantu hose mu Rwanda umurwayi ukeneye amaraso ayahabwa ku buntu. Amaraso tuyafata ku buntu tukayanga ku buntu.”

Gutunganya amaraso birahenze

Dr Swaibu avuga ko isashi ishyirwamo amaraso igurwa ibimbi 12 by’amanyarwanda noneho gufata agashashi kamwe (one unit) k’amaraso kagatunganywa kugeza kageze ku murwayi ngo biba bihagaze ibihumbi 57 by’amafaranga y’u Rwanda.

Ati”Gutanga amaraso ni ubushake, nta kiguzi kandi nta n’itegeko,kandi natwe nubwo kuyatunganya bihenze, ntabwo tuyishyuza… ariko nanone nk’uko turi muri gahunda yo kwigira Leta iramutse isabye abaturage kugira uruhare ngo amaraso atunganywe bakwiye kuzabyumva.”

Hari abakenera amaraso kurenza abandi

Kuri ubu mu Rwanda ngo usanga abatanga amaraso ku bwinshi ari abafite ubwoko bw’amaraso bwa 0 yaba positif cyangwa negatif (o+, o-), gusa ngo usanga abasigaye bose ( A, B na AB ) bo batayatanga cyane kandi akaba ari na bo baba benshi mu kuyakenera.

Dr Swaibu ati” Buri wese arasabwa kugira umutima utabara w’ubugiraneza agatanga amaraso kuko abayakeneye ni benshi kandi bo mu ngeri zose, iyo rero utayatanze hari ubwo usanga abo muhuje wari gutabara bashobora kuyabura.”

Amaraso arasaza, kuyatanga ni uguhozaho

Nubwo nta kibazo cyo kubura amaraso ahabwa abarwayi gihari mu gihugu, ngo amaraso ageraho agasaza ku buryo kuyatanga ari uguhozaho.

Dr Swaibu ati”Amaraso dufata umuntu tuyagabanyamo ubwoko bune, hari insoro zitukura (red blood) ayo amara iminsi 42, amaraso twita udufashi: amara iminsi itanu,hari amaraso y’umushongi (plazima) ayo ngayo amara umwaka abitswe mu bukonje buri muri dogere iri munsi ya 18 (-18) hari n’igice cy’amaraso yifashishwa ngo umuntu ahagarare kuvirirana vuba nayo amara umwaka abitswe.”

Kuba amaraso yose akenerwa kandi hakaba harimo asaza vuba ngo bisaba ko no kuyatanga biba ibintu bihoraho mu bubiko hagahoramo amaraso.

Hari abatemerewe gutanga amaraso

Abantu batarageza imyaka 17 y’ubukure, udafite ibiro 50, umugore utwite, umugore wonsa utaramara umwaka , abarwayi b’indwara za karande, umugore cyangwa umukobwa utaramara iminsi 7 avuye mu mihango abo ntibemerewe gutanga amaraso ndetse n’umuntu wese urengeje imyaka 65.

Buri mezi atatu Ikigo cy’Igihugu gishinzwe gukusanya amaraso cyafashe gahunda yo kumara iminsi ibiri muri Car free zone kugira ngo byibura abatabasha kubona umwanya wo kujya gutanga amaraso kubera akazi ariko bafite ubushake babone uko bayatanga.

Ngo abitabiriye mu nshuro ebyiri zishize bari hagati ya 250 na 300 kandi abagera ku 100 babaga ari ubwa mbere baje ku buryo na bo binjira mu mubare w’abatanga amaraso.

Dr Gatare Swaibu ahumuriza abakeka ko amaraso batanga agurishwa abarwayi
Abari bitabiriye gutanga amaraso ku bushake
Uyu mubyeyi yatangaga amaraso ku nshuro ya gatandatu
Abatanga amaraso barasabwa guhozaho kuko amaraso asaza

[email protected]


Kwamamaza
IZINDI NKURU WASOMA
TANGA IGITEKEREZO

ANDIKA ICYO UTEKEREZA KURI IYI NKURU

AMATEGEKO AGENGA IYANDIKA RY'IGITEKEREZO CYAWE:
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni,
Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe.
Igitekerezo cyawe kigaragara nyuma y'isuzuma rikorwa na IGIHE.com
Ibi bidakurikijwe igitekerezo cyanyu gishobora kutagaragara hano cyangwa kigasibwa, Murakoze!
ANDIKA ICYO UTEKEREZA KURI IYI NKURU
Kwamamaza
IBITEKEREZO
Join Us

Socialize with Us
Contacts

Marketing
4546
Editor
078 827 26 21
Management
0788 74 29 08 / 0788 49 69 15

Emails: [email protected], [email protected]

Website Developped by

Uru Rubuga Ruheruka Gushyirwaho Amakuru Friday 30 Nzeri 2016
Copyright © 2009 -2014 - IGIHE Ltd - All Rights Reserved