00:00:00 IGIHE NETWORK KN KINYARWANDA EN ENGLISH FR FRANCAIS

Abahawe dose ya mbere y’urukingo rwa Covid-19 mu Rwanda barenze miliyoni

Yanditswe na IGIHE
Kuya 21 Kanama 2021 saa 11:20
Yasuwe :
0 0

Abantu barenga miliyoni imwe bamaze guhabwa dose ya mbere y’urukingo rwa COVID-19 mu Rwanda kuva ibikorwa byo gukingira byatangira mu gihugu hose muri Werurwe uyu mwaka.

Imibare ya Minisiteri y’Ubuzima igaragaza ko abamaze guhabwa dose ya mbere mu Rwanda ari 1.012.031 barimo 31.949 bayihawe kuri uyu wa Gatandatu.

Ku rundi ruhande, abamaze guhabwa dose ebyiri, ni ukuvuga ko bakingiwe ku buryo bwuzuye ni 422.925.

Leta irateganya bushyira imbaraga nyinshi mu bikorwa byo gukingira COVID-19 ku buryo nibura uyu mwaka uzarangira hakingiwe 30% by’abaturarwanda.

Ku rundi ruhande, habonetse abantu 415 banduye mu bipimo 16.143 byafashwe mu gihe abapfuye bo biyongereyeho batanu. Itangazo rya Minisiteri y’Ubuzima ryihanganishije imiryango y’abagore bane n’umugabo umwe bitabye Imana kuri uyu wa Gatandatu.

Kuva iki cyorezo cyagera mu Rwanda, abantu bamaze gupfa ni 1.010 naho abamaze kwandura ni 82.630.

Abantu bamaze guhabwa dose ya mbere y'urukingo rwa Covid-19 barenze miliyoni

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .