00:00:00 IGIHE NETWORK KN KINYARWANDA EN ENGLISH FR FRANCAIS

Urukiko rwategetse ko Hakuzimana Abdul Rashid afungwa iminsi 30 y’agateganyo

Yanditswe na Nkundineza Jean Paul
Kuya 22 Ugushyingo 2021 saa 04:52
Yasuwe :
0 0

Urukiko rw’Ibanze rwa Nyarugenge rwategetse ko Hakizimana Abdul Rashid afungwa iminsi 30 y’agateganyo, mu gihe agikorwaho iperereza ku byaha akurikiranyweho birimo icyo gupfobya no guhakana Jenoside yakorewe Abatutsi mu 1994 n’icyo gukurura amacakubiri muri rubanda.

Urukiko rwatesheje agaciro ubusabe bwa Hakuzimana wari wasabye kuburana adafunzwe, bugaragaza ko akurikiranyweho ibyaha bikomeye ku buryo agomba kuburana afunzwe kugira ngo atazabangamira iperereza cyangwa akaba yatoroka ubutabera.

Uyu mugabo uhakana ibyaha byose ashinjwa, yafunzwe ku itariki ya 28 Ukwakira, nyuma y’uko Urwego rw’Igihugu rw’Ubugenzacyaha (RIB) rwari rumaze iminsi rumuburira ku magambo yanyuzaga kuri shene ye ya YouTube izwi nka Rashid TV, ndetse n’izindi yabaga yatumiweho, rukamubwira ko akwiye kwitonda kuko amagambo akoresha ashobora kurema ibyaha.

Ubwo yasomerwaga, Hakuzimana yongeye kugaragara mu rukiko ari wenyine, aho Me Rudakemwa Jean Felix usanzwe umwunganira atabonetse.

Ibi ni nako byari byagenze mu iburanisha rishize, ubwo uyu mugabo yari yasabye ko urukiko rwakwimura igihe rwari kuzafatira umwanzuro ku ifungwa n’ifungurwa ry’agateganyo, icyo gihe yavugaga ko atiteguye kuburana adafite umwunganizi mu mategeko, dore ko atanamenye impamvu Me Rudakemwa atari yitabiriye iburanisha rye.

Hakuzimana w’imyaka 53, atuye mu Karere ka Nyarugenge, Umurenge wa Nyamirambo, Akagari ka Kivugiza mu Mudugudu wa Uwingenzi ariko avuka mu Majyaruguru y’u Rwanda i Musanze. Ni mwene Nzariturande Jean Bosco alias Mwarabu na Nyiraherekeza.

Hakuzimana Abdul Rashid yazanywe mu modoka ya RIB
Ubwo Hakuzimana yasinyiraga ko yitabye urukiko
Hakuzimana w'imyaka 53 akurikiranyweho ibyaha byo gupfobya no guhakana Jenoside yakorewe Abatutsi mu 1994
Ubwo Hakuzimana yiteguraga kurira imodoka ya RIB, aho byitezwe ko ari bujye gufungirwa muri gereza ya Nyarugenge
Hakuzimana yitabye urukiko atari kumwe n'umwunganizi we

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .