00:00:00 IGIHE NETWORK KN KINYARWANDA EN ENGLISH FR FRANCAIS

Urubanza rwa CSP Kayumba na bagenzi be rwakomereje mu muhezo

Yanditswe na Nkundineza Jean Paul
Kuya 19 Ugushyingo 2021 saa 05:24
Yasuwe :
0 0

Kuri uyu wa Gatanu, Urukiko rw’Ibanze rwa Nyarugenge rwakomereje mu muhezo urubanza ruregwamo CSP Kayumba Innocent wahoze ayobora Gereza ya Nyarugenge na bagenzi be.

Kayumba areganwa na SP Eric Ntakirutimana wahoze amwungirije na Mutamaniwa Ephraim wahoze ashinzwe iperereza muri iyi gereza.

Ibyo gukomereza urubanza mu muhezo byaje nyuma y’aho umwe mu baburanyi witwa Mutamaniwa Ephraim, yatangiraga kwiregura ibyaha akurikiranyweho biirmo ubujura no kwinjira mu makuru abitse muri mudasobwa.

Yabwiye urukiko ko afite impungenge zo gukomeza kuburana kandi ibyo avuga mu rukiko bibatanga muri Gereza bitewe n’uko hari bamwe mu bantu bajya mu rukiko bagafata amajwi n’amashusho rwihishwa urubanza rwarangira bakabitwara muri gereza kubyereka abafungwa.

Umucamanza yahise amubwira ko ibyo avuze bizasuzumwa Ubushinjacyaha bumaze gusabira ibihano abaregwa.

Ubwo ku wa 12 Uguhyingo 2021 Ubushinjacyaha bwabasabiraga igihano cy’igifungo cy’imyaka itanu n’ihazabu ya miliyoni 2Frw, umucamanza yavuze ko urukiko rudashyizeho itariki yo kurusoma ko ahubwo rugiye gukora iperereza ryarwo ku byavuzwe na Mutamaniwa.

Urukiko rwagiye kuri Gereza ya Nyarugenge ku wa 18 Ugushyingo 2021 rusanga koko ibyavuzwe na Mutamaniwa bifite ishingiro.

Ubwo umucamanza yari agiye gutangira iburanisha kuri uyu wa 19 Ugushyingo, yategetse ko abantu bose basohoka mu rukiko urubanza rugakomereza mu muhezo ku mpamvu z’umutekano w’abaregwa.

Urubanza rwa CSP Kayumba Innocent na bagenzi be rwabereye mu muhezo
Umucamanza yategetse ko urubanza rukomereza mu muhezo n'abacungagereza basabwa gutegerereza hanze

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .