00:00:00 IGIHE NETWORK KN KINYARWANDA EN ENGLISH FR FRANCAIS

Nsengiyumva uzwi nka Igisupusupu yongeye gusabirwa gufungwa iminsi 30

Yanditswe na Nkundineza Jean Paul
Kuya 24 Kanama 2021 saa 01:08
Yasuwe :
0 0

Urukiko Rwisumbuye rwa Nyagatare rwongeye gusabira Nsengiyumva François Gisupusupu, gufungwa iminsi 30 y’agateganyo, mu iburanisha ryo kuri uyu wa Kabiri, tariki ya 24 Kanama 2021.

Urubanza rw’ubujurire rwa Nsengiyumva rwaherukaga gusubikwa ku wa 10 Kanama 2021 kubera ko yari mu kato ka Gereza ya Rwamagana kubera Covid-19.

Nsengiyumva yajuririye icyemezo cy’Urukiko rw’Ibamze rwa Kiramuruzi ku wa 26 Nyakanga 2021 rwamukatiye gufungwa muri Gereza ya Rwamagana iminsi 30 y’agateganyo.

Ubushinjacyaha bumukurikiranyeho icyaha cyo gusambanya umwana w’imyaka 13. Raporo ya muganga yagaragaje ko uwo mwana yanduye indwara zandurira mu mibonano mpuzabitsina kandi ko indwara Nsengiyumva yarwaye ari na yo umwana yasanganywe.

Ubushinjacyaha bwari mu Rukiko Rwisumbuye rwa Nyagatare mu gihe Nsengiyumva François yaburanye ari kuri Gereza ya Rwamagana na ho umwunganira mu mategeko Me Nizeyimana Boniface, yari mu biro bye ku Kacyiru. Saa mbili n’igice ni bwo iburanisha ryatangiye.

Umucamanza yahaye umwanya Nsengiyumva François ngo asobanure impamvu zikomeye zatumye ajurira avuga ko nk’uko yabivuze aburana ifunga n’ifungurwa mu Rukiko rw’Ibanze rwa Kiramuruzi atemera icyaha akekwaho kandi akeneye ubutabera kandi abwizeye.

Me Nizeyeimana Boniface, umwunganira yabwiye Urukiko ko umukiliya we arengana ko kandi Urukiko rutashingira ku batangabuhamya batanzwe n’ubushinjacyaha kuko ubuhamya bwabwo babubuze.

Yavuze ko Nsengiyumva yafashwe uwo mwana ahamaze iminsi ibiri gusa bikaba bitumvikana uko umuntu yamara ahantu iminsi ibiri agahita yandura indwara zandurira mu mibonano mpuzabitsina. Yabwiye Urukiko ko ibindi azabisobanura mu rubanza mu mizi.

Ubushinjacyaha bwahawe umwanya ngo bugire icyo buvuga ku byavuzwe n’abajuriye, busobanura ko bitewe n’uburemere bw’icyaha Nsengiyumva acyekwaho kandi bukaba bugikora iperereza, bumusabira gukomeza gufungwa muri Gereza mu gihe urubanza rutaraburanishwa mu mizi.

Umucamanza yumvise impande zombi apfundikira iburanisha avuga ko uru rubanza ruzasomwa ku wa 26 Kanama 2021 saa tanu z’igitondo.

Nsengiyumva uzwi nka Igisupusupu yongeye gusabirwa gufungwa iminsi 30

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .