Ibyihariye kuri konti za Cogebanque zifite umwihariko mu gufasha abantu kuzigama

Yanditswe na Ishimwe Israel
Kuya 29 Ukwakira 2019 saa 03:32
Yasuwe :
0 0

U Rwanda ruritegura kwifatanya n’Isi mu bikorwa byo kwizihiza Umunsi Mpuzamahanga wahariwe Kuzigama, uba ku wa 31 Ukwakira buri mwaka, uzahurirana n’isozwa ry’icyumweru cyo kuzigama mu gihugu.

Icyumweru cyahariwe kuzigama cyatangiye ku wa 23 Ukwakira 2019, abatanga serivisi z’imari bateguye ibikorwa bitandukanye bigamije gushishikariza ababigana gukuza umuco wo kuzigama bijyanye n’icyerekezo cy’u Rwanda.

Ubusanzwe abantu benshi bakenera kwizigamira kubera impamvu zirimo guteganyiriza izabukuru zabo n’ahazaza h’ababakomokaho. Uburyo bwizewe bwo kubigeraho ni ugukorana n’ibigo by’imari [birimo na banki] kuko umutekano w’amafaranga uba wizewe.

Banki y’Ubucuruzi, Cogebanque ishyigikira abashaka kuzigama cyane ko ifite ubunararibonye bw’imyaka 20 itanga serivisi z’imari mu Rwanda.

Serivisi zo kuzigama muri Cogebanque zashyizwe muri konti zirimo “Teganya”, “Nteganyiriza Minuze”, “Shobora” na “Iyubakire”.

Konti za Cogebanque zemerewe abakiliya bose, zihuriye ku kubafasha kuzigama amafaranga mu buryo bworoshye kandi butekanye, nta mufuragiro w’ukwezi zicibwa ndetse zirungukirwa mu buryo bushimishije.

Teganya ni konti ishamikiye ku y’umukiliya, ishobora kubitswaho amafaranga ayo ariyo yose. Uyikoresha abitsaho igihe cyose kandi agakomeza kungukirwa bitewe n’amafaranga ayiriho. Amafaranga yazigamywe atangira kubyara inyungu iyo angana na 50.001 Frw.

Mu gufasha abategura ahazaza h’abana babo mu masomo, Cogebanque yanashyizeho Konti Nteganyiriza Minuze ifasha abazigamira amashuri y’abana.

Abayikoresha buri kwezi bazigama amafaranga ndetse bashobora kongera umubare w’ubwizigame igihe babishakiye, bibaha amahirwe yo kubona inyungu ihanitse.

Konti Iyubakire na yo yashyizweho nk’igisubizo ku bakeneye kubaka no kuvugura inzu. Uyifunguye ashyiraho 35 000 Frw [ashobora kurenga] aheraho yongera ubwizigame bwe. Buri kwezi asabwa kuzigama nibura 15 000 Frw.

Nyuma y’imyaka ine uwazigamye kuri “Konti Iyubakire’’ nibwo ahabwa amahirwe yo kugabanyirizwa ku nyungu icibwa ku nguzanyo yo gutunga inzu. Uko ubitsa amafaranga menshi biguha ubushobozi bwo kubona inyungu nyinshi.

Cogebanque kandi ifite Konti yise Shobora ifasha abakiliya bayo gushyira mu bikorwa imishinga itandukanye nko kugura ibikoresho byo mu rugo, gutegura ibirori, kugura imodoka, gukora ingendo n’ibindi.

Uyifunguye ashyiraho 15 000 Frw nk’ifatizo (ashobora kurenga), buri kwezi akazigama nibura 10 000 Frw. Nyuma y’imyaka itatu umukiliya uyikoresha ashobora kugabanyirizwa ku nyungu icibwa ku nguzanyo yerekeye imishinga yose.

U Rwanda rufite intego yo kuzamura ubukungu bwarwo bukava ku rwego rw’ibihugu bikennye rukagera mu biyingayinga ibikize mu 2035 no kugera mu bikize mu cyerekezo cya 2050. Imwe mu nzira izarufasha kubigeraho ni uguteza imbere umuco wo kwizigama mu Banyarwanda.

Mu Ukuboza 2018 nibwo u Rwanda rwatangije ubwizigame bw’igihe kirekire bwiswe ‘Ejo Heza’ mu cyerekezo cyo kwihutisha iterambere ry’igihugu.

Inyigo yakozwe hategurwa ‘Ejo Heza’ iteganya ko mu mwaka umwe izagera ku basaga 207 000 bashobora kuzigama miliyari 14,5 Frw, mu gihe mu myaka itanu abagera kuri miliyoni ebyiri bakwizigama miliyari 195 Frw.

Konti ya Iyubakire ishobora kugufasha gutunga inzu y'inzozi zawe kandi ikungukirwa bishimishije
Serivisi zo kuzigama muri Cogebanque zashyizwe muri konti zirimo “Teganya”, “Nteganyiriza Minuze”, “Shobora” na “Iyubakire”
Nteganyiriza Minuze ni konti ifasha ababyeyi n'abandi barezi guteganyiriza ahazaza h'abana babo
Cogebanque nka Banki Nyarwanda itanga serivisi z'imari zitandukanye zirimo na konti zifasha abayigana kuzigamira ahazaza habo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza